കൊച്ചി. പോലീസ് തന്നെ നിരീക്ഷിക്കുന്നു എന്ന് കാട്ടി നടൻ സിദ്ദിഖ് നൽകിയ പരാതി പോലീസ് തള്ളി. നേരത്തെ കേസ് ഉണ്ടായപ്പോൾ ഒളിവിൽ പോയ ആളാണ് സിദ്ദിഖ് എന്നും ഗുരുതരമായ കേസിലെ ആരോപണ വിധേയനായതിനാൽ പോലീസ് നിരീക്ഷണം അനിവാര്യമെന്നാണ് പോലീസിനെ നിലപാട്.സിദ്ദിഖിൻ്റെ പരാതി അന്വേഷണസംഘത്തിന് സമ്മർദ്ദം ഉണ്ടാക്കാൻ ആണെന്ന് കാട്ടി പോലീസ് റിപ്പോർട്ട് നൽകും
നിരന്തരമായി പോലീസ് തന്നെ പിന്തുടരുന്നു എന്നും സ്വകാര്യത ഇല്ലാതാക്കുന്നു എന്നും കാട്ടിയാണ് നടൻ സിദ്ദിഖ് ഡിജിപിക്ക് പരാതി നൽകിയത്. ഈ പരാതിയാണ് പോലീസ് തള്ളുന്നത്.ഗുരുതരമായ ക്രിമിനൽ കുറ്റത്തിലെ ആരോപണ വിധേയനായ വ്യക്തിയാണ് സിദ്ദിഖ് എന്നും ഒളിവിൽ പോകാൻ സാധ്യത ഉള്ളതിനാൽ ആണ് ചിന്തിക്കുന്നത് എന്നും പോലീസ് പറയുന്നു.നേരത്തെ ഹൈക്കോടതി ജാമ്യം നിഷേധിച്ചപ്പോൾ സിദ്ധിക്ക് ഒളിവിൽ പോയത് അന്വേഷണ സംഘത്തെ പോലും പ്രതിക്കൂട്ടിൽ ആക്കിയിരുന്നു.വീണ്ടും ഒളിവിൽ പോകാൻ സാധ്യതയുള്ള ആളെ നിരീക്ഷിക്കുക എന്നത് പോലീസിന്റെ ജോലിയാണെന്നും പോലീസ് വ്യക്തമാക്കുന്നു.
നിയമപരമായ ബാധ്യത മാത്രമാണ് പോലീസ് നിർവഹിക്കുന്നത് എന്നാണ് പോലീസ് വിശദീകരണം. സിദ്ദിഖ് ഡിജിപിക്ക് നൽകിയ പരാതിയിൽ പോലീസ് നിലപാട് വ്യക്തമാക്കിയുള്ള റിപ്പോർട്ട് ഉടൻ ഉന്നത ഉദ്യോഗസ്ഥർക്ക് കൈമാറും.സിദ്ദിഖിനെ പൂർണമായും തള്ളുന്നതിനു പുറമേ പോലീസിനിരീക്ഷണം തുടരുമെന്ന് കാര്യവും റിപ്പോർട്ടിൽ പോലീസ് വ്യക്തമാക്കുന്നുണ്ട്.നിയമത്തിന്റെ മുന്നിൽ നിന്ന് ഒളിച്ചോടുന്ന വ്യക്തിയാണ് സിദ്ദിഖ് എന്നതാണ് പോലീസ് റിപ്പോർട്ടിലെ പ്രധാന പരാമർശം.സുപ്രീംകോടതി പൂർണ്ണ ജാമ്യം നൽകിയിട്ടില്ലാത്തതിനാൽ സിദ്ദിഖിനെ നിരീക്ഷിക്കേണ്ടത് നിയമപരമായ അനിവാര്യത ആണ് എന്നും പോലീസ് വ്യക്തമാക്കുന്നു
