Advertisement
class="td-all-devices">
തൂണേരി ഷിബിൻ വധക്കേസ് പ്രതികളെ ഇന്ന് ഹൈക്കോടതിയിൽ ഹാജരാക്കും
കോഴിക്കോട് തൂണേരി ഷിബിൻ വധക്കേസ് പ്രതികളെ ഇന്ന് ഹൈക്കോടതിയിൽ ഹാജരാക്കും. നെടുമ്പാശ്ശേരിയിൽ വിമാനം ഇറങ്ങിയ ആറ് പ്രതികളെ ഇന്നലെ നാദാപുരം പോലീസ് കസ്റ്റഡിയിലെടുക്കുകയായിരുന്നു. ഇന്നലെ രാത്രി
പ്രതികളെ വിചാരണ കോടതിയായ കോഴിക്കോട് അഡീഷണല്‍ സെഷന്‍സ് കോടതിയിൽ ഹാജരാക്കി. നാല് പ്രതികൾ ദോഹയിൽ നിന്നും രണ്ടു പ്രതികൾ ദുബായിൽ നിന്നുമാണ് നെടുമ്പാശ്ശേരിയിൽ എത്തിയത്. ഒന്നാംപ്രതി ഇസ്മയില്‍ വിദേശത്തു തന്നെയാണെന്നാണ് പോലീസ് നിഗമനം. വിചാരണ കോടതി വെറുതെവിട്ട 8 പ്രതികൾ കുറ്റക്കാരാണ് ഹൈക്കോടതി കണ്ടെത്തിയിരുന്നു. മൂന്നാം പ്രതി നേരത്തെ കൊല്ലപ്പെട്ടിരുന്നു.
ഡിവൈഎഫ്ഐ പ്രവർത്തകനായിരുന്ന ഷിബിനെ
മുസ്ലിം ലീഗ് പ്രവർത്തകരായ പ്രതികൾ 2015 ജനുവരി 22 നാണ് കൊലപ്പെടുത്തിയത്. ഷിബിന്റെ പിതാവും പ്രോസിക്യൂഷനും നൽകിയ അപ്പീലിലാണ് വിചാരണ കോടതി വെറുതെവിട്ട 17 പേരിൽ എട്ടുപേർ കുറ്റക്കാരാണെന്ന് ഹൈക്കോടതി കണ്ടെത്തിയത്. പ്രതികൾക്കായി നാദാപുരം പോലീസ് ലുക്ക് ഔട്ട് നോട്ടീസ് പുറത്തിറക്കിയിരുന്നു.
