പാലക്കാട്: ഉപതെരഞ്ഞെടുപ്പിൽ ഡിഎം കെ സ്ഥാനാർത്ഥികളെ പ്രഖ്യാപിച്ച് പി വി അൻവർ.ചേലക്കരയിൽ എൻ കെ സുധീറും പാലക്കാട്ട് മിൻഹാജും സ്ഥാനാർത്ഥികളാകും. സ്വതന്ത്ര സ്ഥാനാർത്ഥികളായിട്ടാണ് ഇരുവരും മത്സരിക്കുന്നത്.ഡി എം കെയുടെ പൂർണ്ണ പിന്തുണയോടെയാണ് ഇരുവരും മത്സരിക്കുന്നത്.
രണ്ടിടത്തും ഇന്ത്യാ മുന്നണി സ്ഥാനാർത്ഥി വന്നാൽ ഡി എം കെ സ്ഥാനാർത്ഥികളെ പിൻവലിക്കും. വയനാട്ടിൽ പ്രീയങ്ക ഗാന്ധി മത്സരിച്ചാൽ പിന്തുണ നൽകുമെന്നും പി വി അൻവർ പറഞ്ഞു.
പി ശശിക്ക് ബിനാമി ഏർപ്പാടുള്ള നിരവധി പമ്പുകളുണ്ട്. പി പി ദിവ്യയുടെ ഭർത്താവുമായി പി ശശിക്ക് ബെനാമി ഏർപ്പാടുകളുണ്ട്.
സി പി എം പീഢനത്തിനിരയായി എഡിഎംആത്മഹത്യ ചെയ്തതായി അൻവർ പറഞ്ഞു.
പി ശശിയുടെ ഇംഗിതത്തിന് വഴങ്ങാതെ വന്നതാണ് എഡിഎം നവീൻ ബാബുവിൻ്റെ ആത്മഹത്യയ്ക്ക് കാരണം .ഒരു പൊളിറ്റിക്കൽ സെക്രട്ടറിയെ നാടിൻ്റെ ഗുണ്ടയാക്കി സർക്കാർ മാറ്റുന്നുവെന്ന് അൻവർ കുറ്റപ്പെടുത്തി.
പോലീസ് കുറ്റകൃത്യങ്ങൾക്ക് നേതൃത്വം നൽകുന്നുവെന്നും പോലീസിലെ ചിലർ കൊള്ളസംഘമായി മാറി. പാർട്ടിയിൽ പിണറായിയുടെ അപ്രമാദിത്വമാണ്.
