കോട്ടയം. കാഞ്ഞിരപ്പള്ളി റിട്ടയേഡ് എ എസ് ഐ യെയും ഭാര്യയും മകനെയും മരിച്ച നിലയിൽ കണ്ടെത്തി. എസ്ഐയെയും ഭാര്യയെയും വെട്ടേറ്റ നിലയിലും മകനെ തൂങ്ങിമരിച്ച നിലയിലും ആണ് കണ്ടെത്തിയത്. മാതാപിതാക്കളെ കൊലപ്പെടുത്തിയ ശേഷം മകൻ ആത്മഹത്യ ചെയ്തതാകാമെന്നാണ് പൊലീസിൻ് പ്രാഥമിക നിഗമനം. രണ്ട് ദിവസമായി ഇവരെ കാണാത്തതിനെ തുടർന്ന് നാട്ടുകാർ നടത്തിയ പരിശോധനയിലാണ് മൃതദേഹങ്ങൾ കണ്ടെത്തിയത്.
നാടിനെ നടുക്കിയ സംഭവം പുറത്തറിഞ്ഞത് ഇന്ന് ഉച്ചയോടെയായിരുന്നു .
റിട്ടയേഡ് എ എസ് ഐ സോമനാഥൻ നായർ,ഭാര്യ സരസമ്മ മകൻ ശ്യാം എന്നിവരെയാണ് മരിച്ച നിലയിൽ കണ്ടെത്തിയത്.
മുന്ന് ദിവസമായി ഇവരെ കാണാതെ വന്നുതോടെ നാട്ടുകാർ അന്വേഷിക്കുകയായിരുന്നു. വീട് അടഞ്ഞു കിടക്കുന്നത് കണ്ടതിനെ തുടർന്നു നാട്ടുകാരിൽ വിവരമറിയിക്കുകയായിരുന്നു . പോലീസെത്തി വീട് തുറന്നു നോക്കുകയായിരുന്നു.
സോമശേഖരൻ നായരുടേയും യും ഭാര്യയുടേയും മൃതദേഹം ഡൈനിങ് റൂമിൽ ടേബിളിനോട് ചേർന്നാണ് കിടന്നിരുന്നത് . ഇരുവർക്കും തലക്ക് വെട്ടേറ്റു നിലയിലായിരുന്നു . മകൻ ശ്യാംനാഥ് തൂങ്ങിമരിച്ച നിലയിൽ അടുത്ത മുറിയിലായിരുന്നു .
കാഞ്ഞിരപ്പള്ളി സപ്ലൈ ഓഫീസിലെ ജീവനക്കാരൻ ആയിരുന്നു ശ്യാം നാഥ് . കഴിഞ്ഞ നാല് ദിവസമായി ഇയാൾ ഓഫീസിൽ എത്തിയിരുന്നില്ല. ഇവർക്കിടയിൽ മറ്റ് പ്രശ്നങ്ങൾ ഉള്ളതായി നിലവിൽ വ്യക്തമായിട്ടുമില്ല
കാഞ്ഞിരപ്പള്ളി പോലീസ് സ്ഥലത്തെത്തി വിശദമായ പരിശോധന ആരംഭിച്ചു. മാതാപിതാക്കളെ കൊന്നശേഷം മകൻ ആത്മഹത്യ ചെയ്തതാകാം എന്നാണ് പ്രാഥമിക നിഗമനം. വീട് ഉള്ളിൽ നിന്നും കുറ്റിയിട്ട് അടച്ച നിലയിൽ ആയിരുന്നു.
