പത്തനംതിട്ട . ഗുരുതര ആരോപണമായി പത്തനംതിട്ടയിലെ ജില്ലാ നേതാവ്. യാത്രയയപ്പ് ചടങ്ങ് ഒഴിവാക്കണമെന്ന് നവീൻ ബാബു ആവശ്യപ്പെട്ടിട്ടും ജില്ലാ കളക്ടർ ചടങ്ങ് നടത്തിയെന്ന് സിപിഐഎം നേതാവ് മലയാലപ്പുഴ മോഹനൻ
രാവിലെ നടത്തേണ്ട പരിപാടി വൈകിയിട്ട് ആക്കിയത് ദിവ്യയ്ക്ക് വേണ്ടി എന്ന് സംശയം. കളക്ടർക്കെതിരെയും അന്വേഷണം വേണമെന്നും സിപിഐഎം ജില്ലാ കമ്മിറ്റി അംഗം മലയാലപ്പുഴ മോഹനൻ മാധ്യമങ്ങളോട് പ്രതികരിച്ചു.
അതിനിടെ എഡിഎം കെ.നവീൻ ബാബുവിൻെറ മരണം സംബന്ധിച്ച കണ്ണൂ‍ർ ജില്ലാ കളക്ടറുടെ വിശദമായ അന്വേഷണ റിപോർട്ട്
ഇന്ന് നൽകും.പെട്രോൾ പമ്പിന് NOC ലഭിക്കാനുളള അപേക്ഷയിൽ കാലതാമസം ഉണ്ടായോ എന്നതാണ് വിശദമായ അന്വേഷണത്തിലൂടെ പരിശോധിക്കുന്നത്.ഫയലുകൾ പരിശോധിച്ച് റിപോർട്ട് നൽകാനാണ്
കളക്ടറോട് ആവശ്യപ്പെട്ടിരിക്കുന്നത്. ഈ റിപോർട്ടിൻെറ അടിസ്ഥാനത്തിലാകും
സമഗ്രമായ അന്വേഷണം വേണോയെന്ന് തീരുമാനിക്കുക.കൂടുതൽ അന്വേഷണം വേണമെന്നാണ് റവന്യു മന്ത്രി കെ.രാജൻെറ
നിലപാട്
