കൊച്ചി.അലൻ വാക്കർ ഷോയ്ക്കിടെ മൊബൈൽ മോഷണം നടത്തിയ രണ്ടുപേരെ പോലീസ് അറസ്റ്റ് ചെയ്തു കൊച്ചിയിൽ എത്തിച്ചു.ഡൽഹിയിൽ നിന്നും പിടികൂടിയ പ്രതികളെയാണ് കൊച്ചിയിൽ എത്തിച്ചത്.കേസിൽ മുംബൈയിൽ നിന്നും പിടികൂടിയ പ്രതികളെയും ഉടൻ കൊച്ചിയിൽ എത്തിക്കുമെന്ന് കമ്മീഷണർ പറഞ്ഞു.മോഷണം നടത്താൻ എത്തിയ മുംബൈ സംഘം അലൻ വാക്കർ വന്ന അതേ വിമാനത്തിലാണ് കൊച്ചിയിലെത്തി മോഷണം നടത്തിയതെന്നും പോലീസ് അറിയിച്ചു. മോഷണം പോയ 39 ഫോണുകളിൽ 23 ഫോണുകളാണ് കണ്ടെത്തിയത്. കേരള പോലീസിന്റെ അന്വേഷണ മികവാണ് 10 ദിവസം കൊണ്ട് പ്രതികളെ പിടികൂടാൻ സാധിച്ചത്
കൊച്ചിയിൽ നടന്ന അലൻ വാക്കർ ഷോയ്ക്കിടെ 36 ഫോണുകൾ മോഷ്ടിച്ച സംഘത്തിലെ രണ്ടുപേരെയാണ് പോലീസ് അറസ്റ്റ് ചെയ്തു കൊച്ചിയിൽ എത്തിച്ചത്. ഡൽഹി സ്വദേശികളായ വസീം മുഹമ്മദ്,അത്തീക്ക് ഉർ റഹ്മാൻ എന്നിവരാണ് പിടിയിലായത്.മോഷണത്തിനായി കൊച്ചിയിലെത്തിയ ബോംബെയിൽ നിന്നുള്ള സംഘത്തിലെ സണ്ണി ബോലാ യാദവ് , ശ്യാം ബൽവാല എന്നിവരെയും പോലീസ് അറസ്റ്റ് ചെയ്തിട്ടുണ്ട്. ഇവരെ ഇന്ന് രാത്രി കൊച്ചിയിൽ എത്തിക്കും.അലൻ വാക്കർ ഷോയ്ക്ക് വേണ്ടി വിമാനത്തിലാണ് ബോംബെയിൽ നിന്നുള്ള പ്രതികൾ കൊച്ചിയിലെത്തിയത്.ഡിജെ ഷോ നടക്കുന്നതിനിടെയായിരുന്നു മോഷണം
ഡൽഹിയിൽ നിന്നുള്ള പ്രതികൾ ട്രെയിനിൽ എത്തുകയും മോഷണശേഷം ട്രെയിനിൽ തന്നെ തിരികെ പോവുകയും ചെയ്തു.നഷ്ടപ്പെട്ട 39 ഫോണുകളിൽ 23 ഫോണുകളാണ് പോലീസ് കണ്ടെത്തിയത്.ഡൽഹിയിലെ ദരിയാ ഗഞ്ചിൽ പ്രതികൾ താമസിച്ച വീട്ടിൽ നിന്നാണ് 20 ഫോണുകൾ കണ്ടെത്തിയത്.ബോംബെയിൽ നിന്നാണ് മൂന്നു ഫോണുകൾ പിടികൂടിയത്.മോഷണം നടന്ന 10 ദിവസത്തിനകം പ്രതികളെ പിടികൂടിയത് പോലീസിന്റെ അന്വേഷണവിനുള്ള അംഗീകാരം കൂടിയായി.അന്വേഷണ സംഘത്തിൽ ഉണ്ടായിരുന്നു ഉദ്യോഗസ്ഥർക്ക് പാരിതോഷികം നൽകുമെന്നും കമ്മീഷണർ പറഞ്ഞു.നിലവിൽ പിടികൂടിയ ഫോണുകൾ പരിശോധനയ്ക്ക് ശേഷം മാത്രമേ കേരളത്തിൽനിന്ന് മോഷണം നടത്തിയതാണോ എന്ന് ഉറപ്പിക്കാനാകു എന്നും പോലീസ് അറിയിച്ചു. ബാംഗ്ലൂരിലും ബോംബെയിലും അടക്കം നിരവധി മോഷണ കേസുകളിൽ പ്രതികളാണ് ഇപ്പോൾ പിടിയിലായിരിക്കുന്നത് എന്നും പോലീസ് പറഞ്ഞു.കേസിൽ നാല് പ്രതികൾക്ക് വേണ്ടി അന്വേഷണം തുടരുകയാണ് എന്നും സിറ്റി പോലീസ് കമ്മീഷണർ അറിയിച്ചു
