മലപ്പുറം: വി ഡി സതീശന് മറുപടിയുമായി പി വി അൻവർ എം എൽ എ .പാലക്കാട്ട് രാഹൂൽ മാങ്കുട്ടത്തിൽ തോൽക്കുമെന്ന് വി ഡി സതീശന് മനസിലായെന്നും, ഇത് ഡി എം കെ കാരണമാണന്ന് വരുത്തി തീർക്കാനാണ് സതീശൻ ശ്രമിക്കുന്നതെന്നും പി വി അൻവർ മാധ്യമങ്ങളോട് പറഞ്ഞു. വി ഡി സതീശനെതിരെ രൂക്ഷമായ വിമർശനമാണ് അൻവർ നടത്തിയത്.
പാലക്കാട് കോൺഗ്രസ് നേതൃത്വം നിർദ്ദേശിച്ചിരുന്നത് ഡോ.പി സരിനെ ആയിരുന്നു.
കോൺഗ്രസ് വോട്ട് ബി ജെ പി ക്ക് പോകും, ഇന്ന് പെട്ടന്ന് പ്രകോപനപരമായി നിലപാടെടുക്കാൻ എന്താ കാരണമെന്നും അൻവർ ചോദിച്ചു.
വി ഡി സതീശൻ്റെ ഇന്നത്തെ പ്രസ്ഥാവന ബിജെപി ജയിച്ചു എന്ന് ഡിക്ലയർ ചെയ്യുകയായിരുന്നു.
പ്രതിപക്ഷ നേതാവിന് ഇത്ര അഹങ്കാരം പാടില്ല. ഇതിൻ്റെ വില പാലക്കാട്ടും, ചേലക്കരയിലും സതീശൻ കൊടുക്കേണ്ടി വരുമെന്നും പി വി.അൻവർ പറഞ്ഞു.
ജനങ്ങളെ ബാധിക്കുന്ന പ്രശ്നങ്ങളിൽ പ്രതിപക്ഷ നിലപാടുകൾ എന്താണെന്ന് അൻവർ, ആർ എസ് എസ് ഉം പിണറായിസവും ഒരുപോലെ എതിർക്കപ്പെടണമെന്നും അൻവർ പറഞ്ഞു.
പാലക്കാട്ടെ നിലപാട് ബുധനാഴ്ച കൺവൻഷനിൽ പ്രഖ്യാപിക്കും.പ്രതിപക്ഷ നേതാവിൻ്റെ അത്ര ബുദ്ധി എനിക്കില്ലെങ്കിലും സതീശൻ്റെ അത്ര
പൊട്ടനല്ല താനെന്നും അൻവർ പറഞ്ഞു.
ചേലക്കരയിൽ ഇതുവരെ കാണാത്ത പോരാട്ടം.ഡി എം കെ ജയിക്കുമെന്നും അൻവർ. രമ്യ ഹരിദാസിനെ ചേലക്കരയിൽ ആർക്കും ഇഷ്ടമല്ലന്നും അൻവർ പറഞ്ഞു.
