കണ്ണൂര്‍. എൻ ഒ സി നൽകുന്നതിന് നവീന്‍ബാബു ബോധപൂർവ്വമായ കാലതാമസം ഉണ്ടാക്കിയിട്ടില്ലെന്ന് തെളിയിക്കുന്ന രേഖകൾ പുറത്ത്. പെട്രോൾ പമ്പ് അനുമതിയുമായി ബന്ധപ്പെട്ട് ടൗൺ പ്ലാനിങ് ഓഫിസർ എ ഡി എമ്മിന് കൈമാറിയ നിർണായക രേഖകൾ ആണ് പുറത്തായത്.
പെട്രോൾ പമ്പ് നിർമ്മിക്കുന്ന സ്ഥലത്ത് സംസ്ഥാന പാതയിൽ നിന്നുള്ള സൈറ്റ് ഡിസ്റ്റൻസ് ഉണ്ടായിരുന്നില്ല. സ്ഥലം പുനക്രമീകരിക്കണമെന്നും അതിന് ശേഷം അപേക്ഷ പുനപരിശോധിക്കണമെന്നും ടൗൺ പ്ലാനിങ് ഓഫിസർ മറുപടി നൽകി. പൊതുമരാമത്ത് വകുപ്പ് നിർദ്ദേശപ്രകാരം സ്ഥലം പുനക്രമീകരിച്ചു. ഇതിന് ശേഷം ടൗൺ പ്ലാനിങ് ഓഫിസർ നൽകിയ റിപ്പോർട്ടിന്റെ അടിസ്ഥാനത്തിൽ ആറു ദിവസം കൊണ്ട് എ ഡി എം എൻഒസി നൽകി.
ടൗൺ പ്ലാനിങ് ഓഫീസറുടെ ആദ്യ റിപ്പോർട്ടിലെ തടസം പരിഹരിക്കാൻ പ്രശാന്തിനെ നിയമപരമായി സഹായിച്ചത് നവീൻ ബാബുവെന്ന് എഡിഎം ഓഫീസിലെ ജീവനക്കാരുടെ മൊഴി. ലാന്റ് റെവന്യൂ ജോയിന്റ് കമ്മീഷണർ എ.ഗീതക്കാണ് മൊഴി നൽകിയത്
NOC നൽകാൻ വൈകിയിട്ടില്ലെന്ന റവന്യു വകുപ്പിന്റെ റിപ്പോർട്ട്, ജീവനക്കാരുടെ മൊഴി പരിഗണിച്ച്. സ്ഥലം പുനക്രമീകരിച്ചതിന് ശേഷം ആറ് പ്രവർത്തി ദിവസത്തിനകം NOC നൽകിയിട്ടുണ്ട്.
