കണ്ണൂര്‍. കണ്ണൂർ സർവ്വകലാശാലയുടെ ചരിത്ര പൈതൃക മ്യൂസിയത്തിൽ നങ്ങേലി ശില്പം സ്ഥാപിച്ചു. ശില്പി ഉണ്ണി കാനായിയാണ് നങ്ങേലിയുടെ ശില്പം ഒരുക്കിയത്. നങ്ങേലിക്കഥയുടെ ചരിത്ര സാധ്യതകളെയും വിവേചന വിരുദ്ധ പോരാട്ടങ്ങളെയും പഠന വിധേയമാക്കുന്നതിന്റെ ഭാഗമാണ് ശില്പം.
അനീതിക്കെതിരായ ജീവത്യാഗത്തിന്റെ കഥ. മുലക്കരം എന്ന നികുതിപിരിവിനെതിരെ മുലയറുത്ത നങ്ങേലി. ചരിത്രമാണോ മിത്താണോ നങ്ങേലി.? ഗവേഷണ പഠനങ്ങളിലൂടെ തേടേണ്ട ചോദ്യവും ഉത്തരവും. സ്പിരിറ്റഡ് ഹീറോയിൻസ് എന്ന ഇൻഡോ-സ്വിസ് ഡോക്യുമെൻ്ററി നിർമ്മാണ കമ്പനിയിലെ മരിയയും സതീന്ദർ ബേദിയുമാണ് കണ്ണൂർ സർവകലാശാലാ ചരിത്ര വിഭാഗത്തിന് ശില്പം സംഭാവന ചെയ്തത്. ചരിത്ര സാധ്യതകളെ തേടുന്ന പഠന വഴിയെന്ന് മാങ്ങാട്ടുപറമ്പ് ക്യാമ്പസിലെ ചരിത്രവിഭാഗം മേധാവി ഡോ. മാളവിക ബിന്നി.
ചരിത്ര വിദ്യാർഥികൾക്ക് നങ്ങേലിക്കഥയുടെ ഉറവിടത്തെക്കുറിച്ചുള്ള പഠനങ്ങൾക്ക് പ്രചോദനം പകരുന്നതാണ് ശില്പം.
Kanayi Kunjiraman te makanano ee unnikkanayi
Kanayi ennu perullavaroke nagna STHREE silpi samudaya thil PETTAVAR aano?