Advertisement
തിരുവനന്തപുരം. മേയർ ആര്യ രാജേന്ദ്രനും സച്ചിൻ ദേവ് എംഎൽഎയും ചേർന്ന ബസ് തടഞ്ഞ സംഭവത്തിൽ ഇരുവരെയും രക്ഷിക്കാൻ പൊലീസ് ശ്രമം. കോടതിയിൽ സമർപ്പിച്ച പൊലീസ് റിപ്പോർട്ടിലാണ് ഇരുവരോടും പൊലീസിന്റെ മൃദു സമീപനം. പരാതിക്കാരനായ ഡ്രൈവർ യദുവിനെ കുറിച്ച് ഗുരുതരമായ പരാമർശങ്ങളും റിപ്പോർട്ടിലുണ്ട്. യദു മറ്റു പല കേസുകളിലും പ്രതിയാണെന്നും , അനുവദനീയ റൂട്ടിലൂടെ അല്ല ഡ്രൈവർ ബസ് ഓടിച്ചതെന്നും പൊലീസ് റിപ്പോർട്ട് പറയുന്നു. സച്ചിൻദേവ് ബസ്സിൽ അതിക്രമിച്ച് കയറിയിട്ടില്ല. ഡ്രൈവർ തുറന്നു നൽകിയതനുസരിച്ച് ഹൈഡ്രോളിക് ഡോർ വഴിയാണ് അകത്ത് കയറിയത്. മേയർ അസഭ്യം പറഞ്ഞതിന് തെളിവില്ലെന്നും പൊലീസ് കോടതിയിൽ സമർപ്പിച്ച റിപ്പോർട്ട് ചൂണ്ടിക്കാട്ടുന്നു.
Advertisement
