കോട്ടകം. കടുത്തുരുത്തിയിൽ വയോധികനെ പൊള്ളലേറ്റ് മരിച്ച നിലയിൽ കണ്ടെത്തി .അരുണശേരി സ്വദേശി വർക്കി തൊമ്മ(84 ) നാണ് മരിച്ചത്. ഇയാൾ താമസിച്ചിരുന്ന ഷെഡിന് തീ പാടിച്ചാണ് മരണം ഉണ്ടായത് .
.
കടുത്തുരുത്തിയിലെ ആളൊഴിഞ്ഞ പുരയിടത്തിൽ ഒറ്റയ്ക്ക് താമസിക്കുകയായിരുന്നു മരിച്ച വർക്കി ഇയാൾ പ്ലാസ്റ്റിക്ക് കൊണ്ട് നിർമ്മിച്ച ഷെഡിലായിരുന്നു താമസം . ഈ ഷെഡിനാണ് ഇന്നലെ അർദ്ധരാത്രിയിൽ തീ പിടിച്ചത് . ഉറങ്ങി കിടന്ന വർക്കിയുടെ ശരീരത്തിലേക്കും തീ പടർന്നിരിക്കാം എന്നാണ് പൊലീസ് നിഗമനം. ശരീരം പൂർണ്ണമായും കത്തി കരിഞ്ഞ നിലയിലായിരുന്നു . ആൾ താമസം കുറവുള്ള പ്രദേശമായതിനാൽ രാത്രിയിൽ സംഭവം ആരുടേയും ശ്രദ്ധയിൽ പെട്ടില്ല .ഇന്ന് രാവിലെയാണ് വിവരം നാട്ടുകാർ അറിയുന്നത് .വൈദ്യുതി ഇല്ലാത്തതിനാൽ മെഴുകുതിരിയാണ് പതിവായി ഇയാൾ ഉപയോഗിച്ചിരുന്നത് . ഇതിൽ നിന്നും തീ പടർന്നതാകാം എന്നാണ് പൊലീസിൻ്റെ സംശയം..സംഭവത്തിൽ കടുത്തുരുത്തി പൊലീസ് സ്ഥലത്ത് എത്തി അന്വേഷണം ആരംഭിച്ചു .
