തിരുവനന്തപുരം.ആറാം ക്ലാസ് വിദ്യാർത്ഥിയെ ലൈംഗികമായി പീഡിപ്പിച്ച സംഭവത്തിൽ അധ്യാപകന് ശിക്ഷ വിധിച്ച് കോടതി. 12 വർഷ കഠിനതടവും ഇരുപതിനായിരം രൂപ പിഴയുമാണ് ശിക്ഷ വിധിച്ചത്. പാങ്ങപ്പാറ സ്വദേശി രാജേന്ദ്രനാണ് പ്രതി. പിഴത്തുക കുട്ടിക്ക് നൽകണമെന്നും തുക അടച്ചില്ലെങ്കിൽ നാലുമാസം കൂടി അധിക തടവ് അനുഭവിക്കണമെന്നും തിരുവനന്തപുരം അതിവേഗ പ്രത്യേക കോടതി.
2023 മെയിലാണ് സംഭവം. അയൽവാസി കൂടിയായ അധ്യാപകൻ ഒരു മാസം കുട്ടിയെ ചിത്രകല പഠിപ്പിക്കാൻ വീട്ടിലെത്തി. പഠിപ്പിക്കാൻ വന്നിരുന്ന കാലത്ത് പ്രതി പലതവണ കുട്ടിയുടെ സ്വകാര്യ ഭാഗങ്ങളിൽ സ്പർശിക്കുമായിരുന്നു. പലതവണ ഇയാൾ ലൈംഗികമായി ഉപദ്രവിച്ചിട്ടും വിദ്യാർത്ഥി പേടികൊണ്ട് പുറത്ത് പറഞ്ഞില്ല. മനുഷ്യ ശരീരം വരയ്ക്കാൻ പഠിപ്പിക്കാമെന്ന് പറഞ്ഞ് സ്വകാര്യ ഭാഗങ്ങളിൽ സ്പർശിക്കുന്നത് പതിവാക്കി.പീഡനം സഹിക്കവയ്യാതെ മാതാവിനോട് വിവരം വെളിപ്പെടുത്തുകയായിരുന്നു. തുടർന്നാണ് ശ്രീകാര്യം പോലീസിന് വീട്ടുകാർ പരാതി നൽകിയത്. 12 വർഷം കഠിനതടവും 20,000 രൂപയും ആണ് ശിക്ഷ.പിഴത്തുക കുട്ടിക്ക് കൈമാറണം. പിഴിയടച്ചില്ലെങ്കിൽ നാലുമാസം അധിക തടവ് അനുഭവിക്കണം. തിരുവനന്തപുരം അതിവേഗ പ്രത്യേക കോടതി ജഡ്ജ് ആർ രേഖയാണ് ശിക്ഷ വിധിച്ചത്.
