കാസർഗോഡ് .ബദിയടുക്കയിൽ അയ്യപ്പ ക്ഷേത്രത്തിൽ മോഷണം. മാന്യ അയ്യപ്പ ഭജന മന്ദിരത്തിൽ നിന്ന് മോഷ്ടാക്കൾ ആറു ലക്ഷം രൂപയുടെ വെള്ളി ഛായാഫലകം കവർന്നു. സംഭവത്തിൽ ബദിയടുക്ക പോലീസ് അന്വേഷണം ആരംഭിച്ചു….
ഇന്ന് പുലർച്ചെ ക്ഷേത്രത്തിൽ എത്തിയ പൂജാരിയാണ് മോഷണ വിവരം അറിഞ്ഞത്. ശ്രീകോവിലിന്റെ പൂട്ട് തകർത്ത മോഷ്ടാക്കൾ അകത്ത് സൂക്ഷിച്ചിരുന്ന വെള്ളിയിൽ തീർത്ത അയ്യപ്പന്റെ ചിത്രം കവർന്നു. ഇതിന് ആറു ലക്ഷം രൂപ വിപണി വില വരുമെന്ന് ക്ഷേത്ര ഭാരവാഹികൾ പറയുന്നു
ഗോപുരത്തിന്റെ പൂട്ടു പൊളിച്ചാണ് മോഷ്ടാക്കള്‍ അകത്തു കടന്നിരിക്കുന്നത്. ഭണ്ഡാരം തകർത്ത് പണം മോഷ്ടിച്ചിട്ടുണ്ട്.
നെല്ലിക്കട്ട ശ്രീ നാരായണ ഗുരുമന്ദിരത്തിലും സമാനരീതിയിൽ കവര്‍ച്ച നടന്നു . ശ്രീകോവിലിന്റെയും ഓഫീസിന്റെയും പൂട്ടു തകര്‍ത്ത് കാണിക്കയില്‍ നിന്നു കാല്‍ലക്ഷത്തോളം രൂപ മോഷ്ടാക്കൾ കവർന്നിട്ടുണ്ട്…. സംഭവത്തിൽ ബദിയടുക്ക പോലീസ് അന്വേഷണം ആരംഭിച്ചു… സി സി ടി വി കേന്ദ്രീകരിച്ചുള്ള അന്വേഷണത്തിൽ പ്രതികളെക്കുറിച്ച് പോലീസിന് സൂചന ലഭിച്ചതായാണ് വിവരം.
