Advertisement
വയനാട്. പുൽപ്പള്ളി പാക്കത്ത് കാട്ടാന വൈദ്യുതി ലൈനിൽ നിന്ന് ഷോക്കേറ്റ് ചരിഞ്ഞു. മോഴയാനയാണ് ചരിഞ്ഞത്. മരം മറിച്ചിടുന്നതിനിടെ കമ്പി പൊട്ടിവീണാണ് ഷോക്കേറ്റത്
പാക്കം കാരേരിയിലാണ് കാട്ടാന ഷോക്കേറ്റ് ചരിഞ്ഞിരിക്കുന്നത്. ജനവാസ മേഖലയോട് ചേർന്ന വനാതിർത്തിയിലാണ് സംഭവം. ഇന്ന് രാവിലെ ആറരയോടെയാണ് ഷോക്കേറ്റതെന്ന് കരുതുന്നു.
ഈ വർഷം ഈ മേഖലയിൽ ഷോക്കേറ്റ് ചരിയുന്ന മൂന്നാമത്തെ ആനയാണിത്. കഴിഞ്ഞ ഏപ്രിലിലും സപ്തംബറിലും ദാസനക്കര, അമ്മാനി എന്നിവിടങ്ങളിൽ കാട്ടാനകൾ തെങ്ങ് മറിച്ചിടുന്നതിനിടെ വൈദ്യുതി ലൈനിൽ നിന്ന് ഷോക്കേറ്റ് ചെരിഞ്ഞിരുന്നു
ഇടുക്കിയിൽ നിന്ന് മൈസൂരിലേക്ക് ഉള്ള ഇലക്ട്രിക് ലൈനിൽ നിന്നാണ് കാട്ടാന ഷോക്കേറ്റത്. ചെതലയം റേഞ്ചിലെ വനം വകുപ്പ് ഉദ്യോഗസ്ഥർ സ്ഥലത്തെത്തി മേൽ നടപടികൾ സ്വീകരിച്ചു.
Advertisement
