പാലക്കാട്: ഉപതിരഞ്ഞെടുപ്പ് നടക്കുന്ന പാലക്കാട്ട് കോണ്‍ഗ്രസ് നേതാക്കള്‍ താമസിക്കുന്ന ഹോട്ടല്‍മുറികളില്‍ പോലീസിന്റെ പരിശോധന.
ഹോട്ടലില്‍ ഇലക്ഷന്‍ സ്‌ക്വാഡിന്റെ റെയ്ഡ്. പണം സൂക്ഷിച്ചിരിക്കുന്നു എന്ന വിവരത്തിന്റെ അടിസ്ഥാനത്തിലാണ് പരിശോധന. പൊലീസ് എത്തുമ്പോള്‍ ഷാഫി പറമ്പില്‍, വി.കെ ശ്രീകണ്ഠന്‍, രാഹുല്‍ മാങ്കൂട്ടത്തില്‍, ജ്യോതി കുമാര്‍ ചാമക്കാല എന്നിവര്‍ ഉണ്ടായിരുന്നു. അവര്‍ രക്ഷപ്പെടുകയായിരുന്നു എന്ന് ഇടത് നേതാക്കളുടെ ആക്ഷേപം.
ഹോട്ടലിന് പിറകില്‍ കോണി ചാരിയ നിലയിലാണ്. 12 മണിയോടെയാണ് പൊലീസ് പരിശോധനയ്ക്കായി എത്തിയത്. ബിന്ദു കൃഷ്ണ, ഷാനി മോള്‍ ഉസ്മാന്‍ എന്നിവ?രുടെ മുറികളിലാണ് ആദ്യം പരിശോധന നടത്തിയത്. ഇതിനിടെ സിപിഎം, ബിജെപി നേതാക്കളും പ്രവര്‍ത്തകരും സ്ഥലത്തെത്തി. സ്ഥലത്ത് സംഘര്‍ഷാവസ്ഥ നിലനില്‍ക്കുന്നു.
ഞങ്ങള്‍ക്ക് ജീവിക്കണ്ടേയെന്ന് ഷാനിമോള്‍ ചോദിച്ചു. ആരോപണവിധേയരായ ഷാഫിയും ജ്യോതി കുമാറും എത്തി സംഭവസ്ഥലത്ത് എത്തി. വികാരാതീനനായാണ് വികെ ശ്രീകണ്ഠന്‍ പ്രതികരിച്ചത്. ആ പോലീസുകാരെ ഞങ്ങള്‍ വെറുതെ വിടില്ലെന്ന് ശ്രീകണ്ഠന്‍ പറഞ്ഞു. എല്ലാ റൂമും പരിശോധിക്കണമെന്ന് കോണ്‍ഗ്രസ് ആവശ്യപ്പെട്ടു. പൊലീസുകാരോട് കോണ്‍ഗ്രസ് നേതാക്കള്‍ കയര്‍ത്തു.
