Advertisement
പെരുമ്പാവൂര്‍. ആലുവ-മൂന്നാർ റോഡിൽ ഓടിക്കൊണ്ടിരുന്ന കാറിന് തീപിടിച്ചു. ഇരിങ്ങോൾ വൈദ്യശാലപ്പടി പെട്രോൾ പമ്പിന് സമീപത്താണ് അപകടമുണ്ടായത്. രാവിലെ 9 മണിയോടെയായിരുന്നു സംഭവം. കുറുപ്പുംപടി സ്വദേശി ജോർജിന്റെ അംബാസിഡർ കാറിനാണ് തീപിടിച്ചത്. കാറിൽ നിന്ന് പുക ഉയരുന്നത് കണ്ട യാത്രക്കാർ പുറത്തേക്കിറങ്ങി ഓടി. കാർ ഭാഗികമായി കത്തി നശിച്ചു. ഉടൻതന്നെ ഫയർഫോഴ്സ് സ്ഥലത്തെത്തി തിയണയ്ക്കുകയായിരുന്നു. ധാരാളം വാഹനങ്ങൾ കടന്നുപോകുന്ന സുപ്രധാന റോഡിലാണ് സംഭവം ഉണ്ടായത്. യാത്രക്കാർ യാതൊരു പരിക്കുകളും ഇല്ലാതെ രക്ഷപ്പെട്ടു.
Advertisement
