തൃശൂര്‍. കേഡർക്ക് തെറ്റ് സംഭവിച്ചാൽ അത് തിരുത്തി മുന്നോട്ടു പോമെന്നും നവീനൊപ്പമാണെന്നും വ്യക്തമാക്കി സിപിഎം സംസ്ഥാനസെക്രട്ടറി എംവി ഗോവിന്ദന്‍. പി പി ദിവ്യയുടെ കാര്യത്തിൽ നടപടിയെടുക്കേണ്ടത് കണ്ണൂരിലെ പാർട്ടിയെന്നും നടപടിയെ കുറിച്ച് വിശദീകരിക്കേണ്ടത് കണ്ണൂർ ഘടകം ആണെന്നും ഗോവിന്ദന്‍പറഞ്ഞു.
തെരഞ്ഞെടുപ്പുകാലത്ത് ദിവ്യ വിഷയം ഒരു പ്രതിസന്ധിയും ഉണ്ടാക്കിയിട്ടില്ല. ചില മാധ്യമങ്ങൾക്ക് അതെല്ലാം പ്രതിസന്ധിയാണ് എന്ന് തോന്നി. ആദ്യം മുതലേ എ ഡി എമ്മിന്റെ വിഷയത്തിൽ കൃത്യമായ നിലപാടാണ് എടുത്തത്. തെറ്റായ ഒരു നിലപാടും എടുക്കില്ല എന്ന് തങ്ങൾ പറഞ്ഞു. സംഘടനാപരമായ നിലപാട് ആണ് വിഷയത്തിൽ സ്വീകരിച്ചത്. ദിവ്യക്കൊപ്പം നേതാക്കൾ പോകും
ജയിലിൽ നിന്ന് വന്നാലും പോകും. കേഡർക്ക് തെറ്റ് സംഭവിച്ചാൽ അത് തിരുത്തി മുന്നോട്ടു പോകും. തെറ്റിന്റെ പേരിൽ കൊല്ലാൻ ആകില്ലല്ലോ, തിരുത്താനാണ് ശ്രമിക്കുന്നത്. കോടതിയിൽ ദിവ്യ എടുക്കുന്ന നിലപാട് ദിവ്യയുടെ വ്യക്തിപരമായ നിലപാടാണ്. അത് പാർട്ടി നിലപാടായി കാണേണ്ടതില്ല. 24 മണിക്കൂറുകൊണ്ട് ദിവ്യയെ ഏറ്റവും പ്രധാനപ്പെട്ട സ്ഥാനത്തുനിന്ന് മാറ്റിനിർത്തി.
കോൺഗ്രസിന്റെ പൈലി രീതിയല്ല സിപിഐഎം ചെയ്തത് പാലക്കാട്ടെ വിവാദം സൂചിപ്പിച്ച് ഗോവിന്ദന്‍പ്രതികരിച്ചു. പാലക്കാട് കോൺഗ്രസിൽ ക്രിമിനൽ സംഘങ്ങളും ഉണ്ട് . എല്ലാവരും ക്രിമിനൽ സംഘങ്ങൾ അല്ല പക്ഷേ ക്രിമിനൽ സംഘങ്ങൾ പ്രവർത്തിക്കുന്നത് തെരഞ്ഞെടുപ്പ് പ്രക്രിയയുടെ ഭാഗമായി നിരവധി കൊലക്കേസ് പ്രതികൾ കോൺഗ്രസിന് വേണ്ടി സജീവമായി പ്രവർത്തിക്കുന്നു
കെപിസിസി എന്ന് പറയുന്നതിന് പിന്നിൽ പൈലിമാരെ ചേർക്കണം. ക്രിമിനൽ സംഘങ്ങളെ കൂടിച്ചേർത്തുകൊണ്ട് പ്രചാരണം മുന്നോട്ടു കൊണ്ടുപോവുകയാണ് കോൺഗ്രസ്. റൈഡിൽ നടപടി പൂർത്തിയാക്കേണ്ടത് കളക്ടർ. പൂർത്തിയാക്കാത്തതിൽ സിപിഐഎമ്മിന് എന്താണ് പ്രശ്നം. കാര്യങ്ങൾ നിർവഹിക്കേണ്ട ഉത്തരവാദിത്വം കളക്ടർക്കും പോലീസിനും ആണെന്നും എംവി ഗോവിന്ദന്‍ പറഞ്ഞു.
