ഓച്ചിറ. അഴീക്കലിൽ തീപ്പൊള്ളലേറ്റ് ഗുരുതരാവസ്ഥയിലായിരുന്ന യുവതി മരിച്ചു.അഴീക്കൽ പുതുവയൽ സ്വദേശി ഷൈജ മോളാണ് മരിച്ചത്. ആത്മഹത്യയെന്ന് വിവരം.ഗുരുതരമായി പൊള്ളലേറ്റ ഷൈജമോളുടെ സുഹൃത്ത് ഷിബു ഇന്നലെ മരിച്ചിരുന്നു.
ഇന്നലെ വൈകിട്ട് ഏഴരയോടെ
അഴീക്കലിൽ പുതുവയൽ ഷൈജ മോളുടെ വീട്ടിൽ സുഹൃത്തായ ഷിബു എത്തുന്നത്. മിനിട്ടുകൾ കഴിഞ്ഞതോടെ വീടിൻ്റെ മുകളിലത്തെ നിലയിൽ നിന്നും തീ കത്തുന്നത് കണ്ടാണ് ഷൈജയുടെ മാതാപിതാക്കളും നാട്ടുകാരും സമീപത്തേക്ക് ഓടിയെത്തുന്നത്. തുടർന്ന് പോലീസും ഫയർഫോഴ്സും എത്തി ഷൈജയെയും ഷിബുവിനെയും ആശുപത്രിയിൽ എത്തിക്കുകയായിരുന്നു.കരുനാഗപ്പള്ളി താലൂക്ക് ആശുപത്രിയിൽ എത്തിയപ്പോഴേക്കും ഷിബുവിൻ്റെ മരണം സംഭവിച്ചു.ഗുരുതരമായി പൊള്ളലേറ്റ ഷൈജ വണ്ടാനം മെഡിക്കൽ കോളേജിൽ ചികിത്സിയിലിരിക്കെയാണ് ഇന്ന് മരിക്കുന്നത്.കോട്ടയം സ്വദേശി ഷിബുവും ഷൈജ മോളും തമ്മിൽ ഇഷ്ടത്തിലായിരുന്നു. ആത്മഹത്യയാണെന്നാണ് പ്രാഥമിക വിലയിരുത്തൽ.
