തിരുവനന്തപുരം. ഐ.എ.എസ് തലപ്പത്തെ പോരിൽ ഒളിയമ്പുമായി കൃഷി വകുപ്പ് സ്പെഷ്യൽ
ഓഫീസർ എൻ.പ്രശാന്ത്.കർഷകനാണ് കള പറിക്കാൻ ഇറങ്ങിയതാണ് എന്ന സിനിമ സംഭാഷണത്തിൽ കൃഷി വകുപ്പ് പദ്ധതിയുടെ
വിവരങ്ങൾ ഫേസ്ബുക്കിൽ പങ്ക് വെച്ചായിരുന്നു പുതിയ നീക്കം.അതെ സമയം
ചീഫ് സെക്രട്ടറിയുടെ റിപ്പോർട്ടിന്റെ അടിസ്ഥാനത്തിൽ ഉദ്യോഗസ്ഥർ തമ്മിലുള്ള പോരിലും മതങ്ങളുടെ പേരിൽ IAS ഉദ്യോഗസ്ഥരുടെ വാട്ട്സ് ആപ്പ് ഉണ്ടാക്കിയതിലും ഉടൻ നടപടി ഉണ്ടാകുമെന്നാണ് വിവരം.
ഉദ്യോഗസ്ഥ തലത്തിലെ തെറ്റായ പ്രവണതകൾ തിരുത്താൻ നീക്കം തുടരുമെന്നാണ് എൻ.പ്രശാന്തിന്റെ
ഇന്നത്തെയും ഫേസ്ബുക്ക് പോസ്റ്റ്‌. കൃഷി വകുപ്പിന്റെ കാംകൊ പദ്ധതിയെക്കുറിച്ച് വിവരങ്ങളാണ് ഫേസ്ബുക്ക് പോസ്റ്റിൽ.
എന്നാൽ പോസ്റ്റ്‌ തുടങ്ങുന്നത് തന്നെ “കള പറിക്കാൻ ഇറങ്ങിയതാണെന്ന”
സിനിമ സംഭാഷണത്തിൽ.’കളകളെ ഇനി ഭയപ്പെടേണ്ടതില്ലെന്നും ഒന്നാന്തരം വീഡർ വന്നു കഴിഞ്ഞെന്നും’ പറഞ്ഞാണ് പോസ്റ്റ്‌
അവസാനിപ്പിക്കുന്നതും.അതേ സമയം
പ്രശാന്തിനെതിരെ ആരോപണവുമായി
ഇന്നും സിപിഐഎം സംസ്ഥാന കമ്മിറ്റി
അംഗം ജെ.മേഴ്സികുട്ടിയമ്മ രംഗത്തെത്തിയിരുന്നു.
സത്യ സന്ധതയോ സുതാര്യതയോ ഇല്ലാതെ ഗൂഡ ലക്ഷ്യത്തോടെയാണ് പ്രശാന്ത് പ്രവർത്തിച്ചതെന്നു ജെ.മേഴ്സികുട്ടിയമ്മ.
ഒരു ഉദ്യോഗസ്ഥനും സർക്കാരിന് തലവേദനയാകില്ലെന്നും,ശരിയായ നിലപാട് സർക്കാർ സ്വീകരിക്കുമെന്നും ഇ.പി ജയരാജൻ
എൻ.പ്രശാന്തിന് പിന്തുണയുമായി സെക്രട്ടറിയേറ്റിലെ മുൻ അഡീഷണൽ സെക്രട്ടറി രംഗത്തെത്തി.സെക്രട്ടറിയേറ്റിൽ
നിന്നും മാസങ്ങൾക്ക് മുൻപ് സ്ഥലം മാറ്റിയ ഷൈനി ജോർജ് ആണ് എൻ.പ്രശാന്തിന്റെ
ഫേസ്ബുക്ക് പോസ്റ്റിനു താഴെ കമന്റുമായി എത്തിയത്.അഡീഷണൽ ചീഫ് സെക്രട്ടറി
മോശമായി പെരുമാറിയെന്നും,മുഖ്യമന്ത്രി ഇടപെട്ടാണ് പ്രശ്നം പരിഹരിച്ചതെന്നും
കമന്റിൽ പറയുന്നു. ഉദ്യോഗസ്ഥർ തമ്മിലുള്ള പോരിലും മതങ്ങളുടെ പേരിൽ ഉദ്യോഗസ്ഥരുടെ വാട്ട്സ് ആപ്പ്
ഗ്രൂപ്പ് ഉണ്ടാക്കിയ സംഭവത്തിലും ഉടൻ തന്നെ നടപടി ഉണ്ടാകുമെന്നാണ്
വിവരം.
