തിരുവനന്തപുരം.ദേശീയ സ്കൂൾ ഗെയിംസിൽ പങ്കെടുക്കാൻ ഭോപ്പാലിലേക്ക് പോകുന്ന കേരള ടീമിന് വിമാനടിക്കറ്റ് ഉറപ്പാക്കി വിദ്യാഭ്യാസ വകുപ്പ്. ട്രെയിൻ ടിക്കറ്റ് ഇല്ലാത്തിനാൽ കായിക താരങ്ങളുടെ യാത്ര മുടങ്ങിയത് പുറത്ത് വന്നതോടെയാണ് അധികൃതര്‍ ഇത്തരമൊരു നീക്കം നടത്തുന്നത്. .
ഏറെ പ്രതീക്ഷയോടെയാണ് കുട്ടിതാരങ്ങൾ ബാഡ്മിന്റൺ മത്സരത്തിനായി ഭോപ്പാലിലേക്ക് പോകാൻ റെയിൽവേ സ്റ്റേഷനിൽ എത്തിയത്. എന്നാൽ താരങ്ങൾക്കുള്ള ട്രെയിൻ ടിക്കറ്റ് ഉറപ്പിക്കാൻ വിദ്യാഭ്യാസ വകുപ്പ് പരാജയപ്പെട്ടിരുന്നു.
വാർത്ത പുറത്ത് വന്നതോടെ വിദ്യാഭ്യാസ മന്ത്രി ഇടപെട്ടു. വിമാന ടിക്കറ്റെടുക്കാൻ മന്ത്രി തൊഴിൽ വകുപ്പിന് കീഴിലുള്ള ഒഡെപെക്കിന് നിർദേശം നൽകി.നവംബർ 17ന് ഭോപ്പാലിൽ നടക്കുന്ന മത്സരത്തിൽ പങ്കെടുക്കാൻ 20 കായിക തരങ്ങളാണ് പങ്കെടുക്കുക. നാളെ 15 പേർ നെടുമ്പാശ്ശേരി വിമാനത്താവളത്തിൽ നിന്നും എട്ടുപേർ കരിപ്പൂർ വിമാനത്താവളത്തിൽ നിന്നും ഭോപ്പാലിലേക്ക് തിരിക്കും.
