തിരുവനന്തപുരം: കോണ്‍ക്രീറ്റ് മിക്‌സിങ് ലോറി തട്ടിയുണ്ടായ അപകടത്തില്‍ ടെക്‌നോപാര്‍ക്ക് സോഫ്റ്റ് വെയര്‍ എന്‍ജിനീയര്‍ മരിച്ചു. കാര്യവട്ടം തുണ്ടത്തില്‍ നവോദയ നഗറില്‍ ടിസി 2404ല്‍ മുഹമ്മദ് അഷറഫ് അലി (36) ആണ് മരിച്ചത്. മൃതദേഹം സ്വകാര്യ ആശുപത്രി മോര്‍ച്ചറിയിലാണ്.
ഇന്നലെ രാവിലെ 10.30 ന് ശ്രീകാര്യം ജംക്ഷനു സമീപം വച്ചായിരുന്നു അപകടം. ടെക്‌നോപാര്‍ക്ക് അലയന്‍സ് കമ്പനിയിലെ എന്‍ജിനിയറായ മുഹമ്മദ് അഷറഫ് അലി ശ്രീകാര്യത്തുള്ള ഫിസിയോ തെറാപ്പിസ്റ്റിനെ കാണാന്‍ സ്‌കൂട്ടറില്‍ പോകവേ മറ്റൊരു വാഹനത്തിനു സൈഡ് കൊടുക്കാനായി വെട്ടി തിരിക്കുമ്പോള്‍ നിയന്ത്രണം വിട്ട് സ്‌കൂട്ടര്‍ ലോറിയുടെ അടിയില്‍പ്പെട്ടു. നാട്ടുകാര്‍ ആശുപത്രിയില്‍ എത്തിച്ചെങ്കിലും ഉച്ചയോടെ മരിച്ചു. അജീമിന്റെയും പരേതനായ ബഷീര്‍ മുഹമ്മദിന്റെയും മകനാണ്. പാലക്കാട് സ്വദേശിയായ മുഹമ്മദ് അഷറഫ് അലി ഏറെ കാലമായി കാര്യവട്ടത്താണ് താമസം. ടെക്‌നോപാര്‍ക്കിലെ ടാറ്റ ഇലക്‌സി യിലെ സോഫ്റ്റ് വയര്‍ എന്‍ജിനീയര്‍ റഹ്മത്ത് ആണ് ഭാര്യ ‘മകന്‍ 9 മാസം പ്രായമുള്ള റാഹില്‍
