ശബരിമല.മണ്ഡലപൂജ തുടങ്ങി രണ്ടാദിനവും ശബരിമല സന്നിധാനത്തേക്ക് തീർഥാടക പ്രവാഹം നവംബർ മാസത്തെ ബുക്കിങ് സ്ലോട്ടുകളെല്ലാം നിറഞ്ഞു കഴിഞ്ഞു ഇതുവരെ ഒന്നേകാൽ ലക്ഷത്തിലധികം തീർഥാകർ ദർശനം നടത്തി
കഴിഞ്ഞ മണ്ഡലകാലങ്ങളിൽ വൃശ്ച‌ികം പന്ത്രണ്ടിന് ശേഷമാണ് സന്നിധാനത്ത് തിരക്കേറിയിരുന്നതെങ്കിൽ ഇക്കുറി ഓൺലൈൻ ബുക്കിങ് കൂടുതൽ കടുപ്പിച്ചതോടെ ആദ്യം ദിവസം മുതൽ 70,000 സ്ലോട്ടും നിറഞ്ഞു. ഇന്നലെ എഴുപതിനായിരം പേർ ബുക്ക് ചെയ്‌തതിൽ 66,795 പേർ ദർശനത്തിനെത്തി പതിനായിരം സ്പോട്ട് ബുക്കിങ് ഉണ്ടെങ്കിലും ഇന്നലെ 3, 117 പേരെ എത്തിയുള്ളു. പുല്ലുമേട്, കരിമല വഴിയും തീർഥാടകർ എത്തിത്തുടങ്ങി
തീർഥാടകർ പതിനെട്ടാം പടി ചവിട്ടുന്നത് വേഗത്തിലാക്കിയാണ് ക്രമീകരണങ്ങൾ മുന്നോട്ട് പോകുന്നത്. ഒരു മിനിറ്റിൽ 65 മുതൽ 75 തീർത്ഥാടകരാണ് പതിനെട്ടാംപടി ചവിട്ടുന്നത്. പതിനെട്ടാം പടിയിൽ ജോലിക്ക് നിയോഗിച്ച പോലീസുകാരുടെ ഒരു ഷിഫ്റ്റ് 15 മിനിറ്റ് ആയി കുറച്ചതും ഗുണകരമായി. തിരക്ക് നിയന്ത്രിക്കാൻ തീർഥാടകർ കൂടി സഹകരിക്കണമെന്നാണ് ദേവസ്വം ബോർഡിൻ്റെ അഭ്യർഥന
