പാലക്കാട്‌ . സന്ദീപ് വാര്യരുടെ പാർട്ടി പ്രവേശനത്തിൽ അതൃപ്തി പ്രകടിപ്പിച്ചിരിക്കെ കെ.മുരളീധരനും സന്ദീപും ഒരേ വേദിയിൽ,പാലക്കാട്‌ ശ്രീകൃഷ്ണപുരം പഞ്ചായത്ത് മൾട്ടിപർപ്പസ് സഹകരണസംഘത്തിന്റെ വേദിയിലാണ് ഇരുവരും ഒരുമിച്ചിരുന്നത്,മുരളീധരൻ ഷാൾ അണിയിച്ചാണ് സന്ദീപ് വാര്യരെ സ്വീകരിച്ചത്
മുരളിയുടെ അതൃപ്തി ചർച്ചയാകാൻ കാത്തിരുന്നവർക്ക് നിരാശ,ശ്രീകൃഷ്ണപുരത്തെ കോൺഗ്രസ്‌ ഭരണസമിതി ബാങ്കിന്റെ പുതിയ കെട്ടിടഉദ്ഘാടനത്തിനാണ് കെ മുരളീധരനും സന്ദീപ് വാര്യരും ഒരേ വേദിയിലെത്തിയത്,തെല്ലും അമർഷമോ അതൃപ്തിയോ കാണിക്കാതെയാണ് മുരളി സന്ദീപിനെ സ്വീകരിച്ചത്,ഇരുവരും വേദിയിൽ ഇരുന്നതും ഒരുമിച്ച്..പരസ്പരം വാനോളം പുകഴ്ത്തിയായിരുന്നു ഇരുവരുടെയും പ്രസംഗം,സന്ദീപിന്റെ പാർട്ടി പ്രവേശനം അറിഞ്ഞത് ചാനൽ വാർത്തകളിലൂടെയെന്ന് കെ മുരളീധരൻ വിമർശനം ഉന്നയിച്ചിരുന്നു,എന്തായാലും മുരളിയുടെ അതൃപ്തി നീങ്ങിയെന്ന സൂചന നൽകുന്നതായി നേതാക്കളുടെ വേദി പങ്കിടൽ
