Advertisement
തിരുവനന്തപുരം നെയ്യാറ്റിൻകരയിൽ എക്സൈസ് ഉദ്യോഗസ്ഥർക്ക് നാട്ടുകാരുടെ മർദ്ദനം. നെയ്യാറ്റിൻകര എക്സൈസ് റേഞ്ച് ഓഫീസിലെ എക്സൈസ് ഇൻസ്പെക്ടർ പ്രശാന്ത്, സിവിൽ ഓഫീസർമാരായ ലാൽ കൃഷ്ണ പ്രസന്നൻ എന്നിവർക്കാണ് മർദ്ദനമേറ്റത്. കൈ കാണിച്ചിട്ട് നിർത്താതെ പോയ വാഹനം എക്സൈസ് സംഘം പിന്തുടർന്ന് പിടികൂടിയിരുന്നു. പിടികൂടിയ വാഹനത്തിൽ നിന്നും നിരോധന പുകയില ഉത്പന്നങ്ങൾ കിട്ടിയതോടെ പിഴ നൽകി വാഹനത്തിൽ ഉണ്ടായിരുന്ന മൂന്നു പേരെ വിട്ടയച്ചു. പിഴ നൽകി വിട്ടയച്ചത് ചോദ്യം ചെയ്താണ് നാട്ടുകാർ എക്സൈസ് സംഘത്തെ മർദ്ദിച്ചത്. പരിക്കേറ്റ മൂന്ന് ഉദ്യോഗസ്ഥരും നെയ്യാറ്റിൻകര ആശുപത്രിയിൽ ചികിത്സ തേടി. ഉദ്യോഗസ്ഥർ നെയ്യാറ്റിൻകര പോലീസിന് പരാതി നൽകിയിട്ടുണ്ട്
Advertisement
