തിരുവനന്തപുരം. ഭരണഘടന അവഹേളന പ്രസംഗത്തിനെതിരെയുള്ള കോടതി ഉത്തരവിൽ മന്ത്രി സജി ചെറിയാൻ രാജി വയ്ക്കേണ്ടെന്നു സിപിഎം സംസ്ഥാന സെക്രടറിയേറ്റിൽ ധാരണ. ഒരേ വിഷയത്തിൽ രണ്ടു തവണ മന്ത്രി സ്ഥാനം രാജി വയ്ക്കേണ്ടെന്നാണ് സെക്രട്ടറിയേറ്റിൽ ഉയർന്ന അഭിപ്രായം. അന്വേഷണ ഉത്തരവിനെതിരെ നിയമോപദേശം തേടാനും സെക്രട്ടറിയേറ്റിൽ തീരുമാനം ആയി.
തുടര്ന്വേഷണ പ്രഖ്യാപനത്തിൽ പ്രതിഷേധം ശക്തമാകുമ്പോഴും മന്ത്രിയെ കൈവിടാതെ പാർട്ടി. വിവാദ പ്രസംഗത്തിൽ ഒരുതവണ രാജിവെച്ചതാണ്. കോടതി പരാമർശിച്ചതിന്റെ തിന്റെ പേരിൽ വീണ്ടും രാജിവെക്കേണ്ട സാഹചര്യമില്ലെന്നാണ് പാർട്ടി സംസ്ഥാന സെക്രട്ടറിയേറ്റിന്റെ നിലപാട്. ക്രൈംബ്രാഞ്ച് അന്വേഷണ ഉത്തരവിനെതിരെ അപ്പീൽ പോകുന്ന കാര്യത്തിൽ നിയമപദേശം തേടാനും സംസ്ഥാന സെക്രട്ടറിയേറ്റിൽ തീരുമാനമായി. അതേസമയം മന്ത്രിയുടെ രാജി ആവശ്യപ്പെട്ട് പ്രതിപക്ഷ സംഘടനകൾ സമരം ശക്തമാക്കുകയാണ്. സജി ചെറിയാന്റെ ചെങ്ങന്നൂരിലെ വസതിയിലേക്ക് യൂത്ത് കോൺഗ്രസും ബിജെപിയും നടത്തിയ മാർച്ചിൽ സംഘർഷമായി.
തന്റെ ഭാഗം കേൾക്കാതെയാണ് കോടതി ഉത്തരവ് എന്നായിരുന്നു സജി ചെറിയാന്റെ പ്രതികരണം. തെരഞ്ഞെടുപ്പ് ഫലപ്രഖ്യാപനത്തിനുശേഷം സമരം കൂടുതൽ ശക്തമാക്കാൻ ആണ് പ്രതിപക്ഷ ആലോചന.
