ആലപ്പുഴ. സീ പ്ലെയിൻ പദ്ധതിക്കെതിരായ സിപിഐ നിലപാടിൽ വിമർശനവുമായി സിപിഎം ആലപ്പുഴ ജില്ലാ സെക്രട്ടറി ആർ നാസർ. ഏകപക്ഷീയമായി പഠിക്കാതെ എതിർപ്പ് പറയുന്ന സിപിഐ നിലപാട് ശരിയല്ലെന്നും
നാടിന്റെ വികസനത്തിനെതിരായ
സമീപനമാണിതെന്നും നാസർ. സീ പ്ലെയിനെതിരെ സിപിഐ ഒപ്പുശേഖരണം അടക്കമുള്ള സമരപരിപാടികളിലേക്ക് നീങ്ങുമ്പോഴാണ് സിപിഐഎം ജില്ലാ സെക്രട്ടറിയുടെ പ്രതികരണം.
2013ൽ ഉമ്മൻചാണ്ടി സർക്കാർ എമർജിങ് കേരളയിൽ ഉൾപ്പെടുത്തി സീപ്ലെയിൻ പദ്ധതി നടപ്പിലാക്കാൻ ശ്രമിച്ചപ്പോൾ ഏറ്റവും കൂടുതൽ പ്രതിഷേധം ഉയർന്നത് ആലപ്പുഴയിലാണ്. അന്ന് സിപിഎമ്മിന്റെയും സിപിഐയുടെയും ട്രേഡ് യൂണിയൻ സംഘടനകൾ ഒന്നിച്ചായിരുന്നു പ്രതിഷേധങ്ങൾക്ക് നേതൃത്വം നൽകിയത്. എന്നാൽ ഇന്ന് സിപിഐഎം ആ നിലപാട് തിരുത്തി. ഉമ്മൻചാണ്ടി സർക്കാരിന്റെ കാലത്ത് സീ പ്ലെയിനെപ്പറ്റി വസ്തുതകൾ ബോധ്യപ്പെട്ടിരുന്നില്ല. എന്നാൽ ഇപ്പോൾ തങ്ങൾക്ക് ബോധ്യപ്പെട്ടു, ബോധ്യപ്പെട്ടപ്പോൾ തിരുത്തിയെന്നും ആർ നാസർ
പദ്ധതി മൂലം കായലിൽ പാരിസ്ഥിതിക പ്രശ്നങ്ങൾ ഉണ്ടാകുമെന്ന വാദവും പാർട്ടി തിരുത്തുകയാണ്. ഇതുവരെയുള്ള പഠനത്തിൽ മത്സ്യത്തൊഴിലാളികൾക്ക് ഒരു പ്രശ്നവും ഉണ്ടാകിലെന്നും നാസർ. പഴയ നിലപാടിൽ ഉറച്ചു നിൽക്കുന്ന സിപിഐ…
വസ്തുതാപരമായി പഠിക്കണം, പഠിച്ച ശേഷം പറയണമെന്നും ആര്‍.നാസർ
സിഐടിയുവും എഐടിയുസിയും അടക്കമുള്ള വിവിധ മത്സ്യത്തൊഴിലാളി യൂണിയനുകൾ പങ്കെടുത്ത കോഡിനേഷൻ കമ്മിറ്റിയിൽ സീ പ്ലൈനുമായി ബന്ധപ്പെട്ട മത്സ്യത്തൊഴിലാളികളുടെ ആശങ്ക സർക്കാരിനെ അറിയിക്കാൻ തീരുമാനിച്ചെങ്കിലും സമര പരിപാടിയിലേക്ക് നീങ്ങാൻ ആലോചന ഇല്ലായിരുന്നു. എന്നാൽ തെരഞ്ഞെടുപ്പിനു ശേഷം നിലപാട് കടിപ്പിക്കുകയാണ് സിപിഐ.
