പാലക്കാട് ലോക്‌സഭ മണ്ഡലത്തില്‍ വോട്ടെണ്ണൽ പുരോഗമിക്കുമ്പോൾ ബിജെപി സ്ഥാനാർഥി സി. കൃഷ്ണകുമാർ 858 വോട്ടുകൾക്ക് മുന്നിലാണ്. യുഡിഎഫ് സ്ഥാനാർഥി രാഹുൽ മാങ്കുട്ടത്തിൽ ആണ് തോട്ടുപിന്നിൽ എൽഡി എഫ് സ്ഥാനാർഥി സരിനും പിന്നാലെയുണ്ട്. വയനാട് ലോക്‌സഭ മണ്ഡലത്തില്‍ വോട്ടെണ്ണലിന്റെ തുടക്കം മുതലേ യുഡിഎഫ് സ്ഥാനാര്‍ത്ഥി പ്രിയങ്കാ ഗാന്ധി മുന്നേറ്റം തുടരുകയാണ്. ഒരു ഘട്ടത്തിലും ഇടതുമുന്നണി സ്ഥാനാര്‍ത്ഥി സത്യന്‍ മൊകേരിയ്‌ക്കോ, ബിജെപി സ്ഥാനാര്‍ത്ഥി നവ്യ ഹരിദാസിനോ പ്രിയങ്കയുടെ ഒപ്പമെത്താന്‍ സാധിച്ചില്ല. രണ്ടാം റൗണ്ട് പൂര്‍ത്തിയാപ്പോഴേക്കും പ്രിയങ്കയുടെ ലീഡ് 45,000 കടന്നു.
ചേലക്കര അസംബ്ലി മണ്ഡലത്തില്‍ വോട്ടെണ്ണലിന്റെ തുടക്കം മുതലേ ഇടതുമുന്നണി സ്ഥാനാര്‍ത്ഥി യു ആര്‍ പ്രദീപ് ലീഡ് ചെയ്യുകയാണ്. രണ്ട് റൗണ്ട് പൂര്‍ത്തിയായപ്പോള്‍ പ്രദീപ് 2010 വോട്ടുകള്‍ക്ക് മുന്നിലെത്തി. യുഡിഎഫിന്റെ രമ്യ ഹരിദാസ്, ബിജെപിയുടെ കെ ബാലകൃഷ്ണന്‍ എന്നിവരാണ് ചേലക്കരയിലെ മറ്റു മുന്നണി സ്ഥാനാര്‍ത്ഥികള്‍.
