കല്‍പ്പറ്റ: വയനാട്ടിൽ ഉജ്വല വിജയം ഉറപ്പിച്ച് യുഡിഎഫ് സ്ഥാനാർത്ഥി പ്രിയങ്ക ഗാന്ധി. വോട്ടെണ്ണൽ പുരോഗമിക്കുമ്പോൾ പ്രിയങ്ക ഗാന്ധിയുടെ ഭൂരിപക്ഷം 368319 കടന്നിരിക്കുകയാണ്.
ഇടത് സ്ഥാനാര്‍ത്ഥി സത്യന്‍ മൊകേരിയാണ് വയനാട്ടില്‍ പ്രിയങ്കയുടെ പ്രധാന എതിരാളി. 187347 വോട്ടുകളാണ് ഇതുവരെ സത്യൻ മൊകേരി നേടിയത്.102396 വോട്ടുകൾ ബി ജെ പി യിലെ നവ്യ ഹരിദാസ് നേടിയിട്ടുണ്ട്. 2019ലേതിനേക്കാള്‍ കുറഞ്ഞ പോളിംഗ് ആണ് ഇത്തവണ വയനാട്ടിലുണ്ടായത്. 73.57 ശതമാനത്തില്‍ നിന്നും പോളിംഗ് 64.72 ശതമാനമായി കുറഞ്ഞു. അതുകൊണ്ട് തന്നെ രാഹുല്‍ ഗാന്ധിക്ക് ലഭിച്ച ഭൂരിപക്ഷം പ്രിയങ്കയ്ക്ക് മറികടക്കാന്‍ സാധിക്കുമോ എന്ന് അറിയേണ്ടതുണ്ട്.
രാഹുല്‍ ഗാന്ധിയെ എംപിയായി വയനാട് തിരഞ്ഞെടുത്തത് 4.3 ലക്ഷം വോട്ടിന്റെ ഭൂരിപക്ഷത്തോട് കൂടിയാണ്. ഭൂരിപക്ഷത്തിന്റെ കാര്യത്തിൽ രാഹുലിനെ പിന്നിലാക്കുമോ പ്രിയങ്ക എന്നാണ് ഇനി അറിയാനുള്ളത്.
