പാലക്കാട്: കഴിഞ്ഞ മൂന്ന് തിരഞ്ഞെടുപ്പുകളിൽ പാലക്കാട് അസംബ്ലി മണ്ഡലത്തിൽ ആറായിരത്തിലേറെ വോട്ടുകളുടെ ഇടിവ് ബിജെപിക്ക്.2021 ലെ അസംബ്ലി തിരഞ്ഞെടുപ്പിൽ 49156 വോട്ടുകൾ നേടിയ ബി ജെ പി 2024 ലെ ലോക്സഭാ തെരഞ്ഞെടുപ്പിൽ 43072 വോട്ടുകളാണ് നേടിയത്.6084 വോട്ടുകളുടെ കുറവാണ് രേഖപ്പെടുത്തിയിട്ടുള്ളത്.
2024 ലെ ഉപതിരഞ്ഞെടുപ്പിൽ
37046 വോട്ടുകളാണ് ബിജെപി സ്ഥാനാർത്ഥി സി കൃഷ്ണകുമാർ നേടിയത്. ലോക്സഭ തെരെഞ്ഞെടുപ്പിനെ അപേക്ഷിച്ച് 6026 വോട്ടുകളുടെ കുറവാണ് ഇത്തവണ ബിജെപിക്ക്. പാലക്കാട് മണ്ഡലത്തിൻ്റെ കഴിഞ്ഞ മൂന്ന് തിരഞ്ഞെടുപ്പ് ഫലങ്ങൾ വിശകലനം ചെയ്യുമ്പോൾ ആറായിരത്തിലധികം വോട്ടുകളുടെ കുറവുകളാണ് രേഖപ്പെടുത്തുന്നത്.2021 ലെ അസംബ്ലി തിരഞ്ഞെടുപ്പിൻ്റെറെയും ഇത്തവണത്തെ അസംബ്ലി ഉപതിരഞ്ഞെടുപ്പിൻ്റയും ആകെ വോട്ടുകളുടെ വ്യത്യാസം നോക്കുമ്പോൾ 12110 വോട്ടുകളുടെ കുറവാണ് ബിജെപി വോട്ടിൽ കാണാനാകുന്നത്.
