ശബരിമല. ഇടവേളയ്ക്ക് ശേഷം മനം നിറയെ അയ്യപ്പനെ കണ്ട സന്തോഷത്തിലാണ് ചലച്ചിത്ര താരം ഗിന്നസ് പക്രു. പമ്പയില്‍ നിന്ന് കാല്‍നടയായാണ് സന്നിധാനത്ത് എത്തിയത്. കൊവിഡിന് ശേഷം ഇതാദ്യമായാണ് മലയാളത്തിന്റെ പ്രിയ താരം ശബരിമലയില്‍ എത്തുന്നത്
ചോറ്റാനിക്കരയിലെ വീട്ടില്‍ നിന്ന് കെട്ടുനിറച്ചാണ് ഗിന്നസ് പക്രുവും സുഹൃത്തുക്കളും ശബരിമലയില്‍ എത്തിയത്. ഇത് എട്ടാംതവണയാണ് അയ്യപ്പനെ കാണാന്‍ സന്നിധാനത്ത് എത്തുന്നത്. പമ്പയില്‍ നിന്ന് ഒറ്റയ്ക്ക് മലചവിട്ടി കയറിയതിന്റെ സന്തോഷത്തി്‌ലായിരുന്നു ഗിന്നസ് പക്രു
അയ്യപ്പ ദര്‍ശനം കഴിഞ്ഞ് തന്ത്രിയേയും മേല്‍ശാന്തിയേയും കണ്ടു. തിരക്ക് ഉണ്ടായിരുന്നെങ്കിലും നല്ല രീതിയില്‍ ദര്‍ശനം നടത്താന്‍ കഴിഞ്ഞതിന്റെ സംതൃപ്തിയിലാണ ഗിന്നസ് പക്രു മലയിറങ്ങുന്നത്. വിനയന്റെ സംവിധാനത്തില്‍ ഒരുങ്ങുന്നത് അത്ഭുത ദ്വീപിന്റെ രണ്ടാം ഭാഗമാണ് ഇനി തുടങ്ങാനിരിക്കുന്ന പ്രധാനപ്പെട്ട സിനിമ
