കൊച്ചി. കേരളത്തിലെ ബിജെപി കടിഞ്ഞാൺ ഇല്ലാത്ത കുതിരയെന്നു എൻഡിഎ വൈസ് ചെയർമാൻ വിഷ്ണുപുരം ചന്ദ്രശേഖരൻ പറഞ്ഞു. ബിജെപിയുടെ എൻഡിഎയുടെയും പ്രവർത്തനങ്ങളിൽ വലിയ വീഴ്ച സംഭവിക്കുന്നു. വീഴ്ചകളുടെ ഉത്തരവാദിത്വത്തിൽ നിന്ന് ആർക്കും ഒഴിഞ്ഞുമാറാൻ ആകില്ല. കാര്യങ്ങൾ തീരുമാനിക്കുന്നത് ജനസമ്മതി ഇല്ലാത്ത നേതാക്കൾ. മറ്റ് രാഷ്ട്രീയ പാർട്ടികൾ അവരുടെ ആളുകളെ സംരക്ഷിച്ചു നിർത്തുന്നത് കണ്ടു പഠിക്കണം. പാർട്ടിക്ക് വേണ്ടപ്പെട്ട ഒരാൾക്കു പോലും ജോലി കൊടുക്കാൻ കഴിഞ്ഞില്ല. ദീപാവലി പോലെ തെരഞ്ഞെടുപ്പും ഇവർക്ക് ഒരു ആഘോഷമാണ്. നിയന്ത്രണം ആർഎസ്എസ് ഏറ്റെടുക്കണം
ഇത്തിൾ കണ്ണികളെ എല്ലാം പറിച്ചെറിഞ്ഞ് കേരളത്തിലെ ബിജെപിയെ രക്ഷിക്കണം. ഗ്രൂപ്പിൻറെ പേരിൽ വരുന്ന ഒരാൾക്ക് പോലും സ്ഥാനമാനങ്ങൾ നൽകരുത്. കാര്യങ്ങൾ തുറന്നു പറയുന്നവരെ ഒഴിവാക്കുകയും പാര പണിയുകയും അല്ല വേണ്ടതെന്നും ചന്ദ്രശേഖരന്‍ ചൂണ്ടിക്കാട്ടി.
