കോഴിക്കോട്.പാലക്കാട്, ചേലക്കര ഉപതെരഞ്ഞെടുപ്പുകളിൽ എൽഡിഎഫ് വോട്ട് വിഹിതം വർധിച്ചു എന്ന് മുഖ്യമന്ത്രി. വർഗീയ ശക്തികളുമായി കൂട്ടുകൂടുമ്പോൾ മുസ്ലിംലീഗിനെ വിമർശിക്കുമെന്നും പാണക്കാട് സാദിഖ് അലി ശിഹാബ് തങ്ങളെ അല്ല, ലീഗ് അധ്യക്ഷനെയാണ് വിമർശിക്കുന്നത് എന്നും മുഖ്യമന്ത്രി. പാലക്കാട് വിജയത്തെ ചൊല്ലി സിപിഐഎം കോൺഗ്രസ് വാക്ക്പോര് തുടരുകയാണ്.
പാലക്കാട്ടെ യുഡിഎഫ് വിജയം വർഗീയ വോട്ട് നേടിയെന്ന ആക്ഷേപം ശക്തമാക്കുകയാണ് സിപിഐഎം. എസ്ഡിപിഐ – ജമാഅത്തെ ഇസ്ലാമി തുടങ്ങിയ വർഗീയ ശക്തികളെ കൂട്ടുപിടിക്കുമ്പോൾ മുസ്ലിംലീഗിനെ വിമർശിക്കാതിരിക്കാനാകില്ലെന്ന് മുഖ്യമന്ത്രി പിണറായി വിജയൻ.
വടകര ഡീലിന്റെ തുടർച്ചയാണ് പാലക്കാട്ടെ ഉപതിരഞ്ഞെടുപ്പ് ഫലമെന്ന് LDF കൺവീനർ TP രാമകൃഷ്ണനും CPIM കേന്ദ്ര കമ്മിറ്റി അംഗം എകെ ബാലനും പ്രതികരിച്ചു.
സിപിഐഎം വിമർശനത്തിന് മറുപടിയുമായി പ്രതിപക്ഷനേതാവ് രംഗത്തെത്തി. ബിജെപി ക്കും സിപിഐഎമ്മിനും ഒരേ നാവെന്ന് വി ഡി സതീശൻ ആരോപിച്ചു.
