തിരുവനന്തപുരം.സർക്കാരിനെ പറ്റിച്ച് ക്ഷേമപെൻഷൻ കൈക്കലാക്കി 1458 സർക്കാർ ജീവനക്കാർ .. പട്ടികയിൽ കൊളേജ്, സ്കൂൾ അധ്യാപകരും ഗസ്റ്റഡ് ഓഫീസർമാരും. കണ്ടെത്തിയത് ധനവകുപ്പ് നിർദ്ദേശപ്രകാരം ഇൻഫർമേഷൻ കേരള മിഷൻ . തുക പലിശ സഹിതം തിരിച്ച് പിടിക്കുമെന്നും, അച്ചടക്ക
നടപടി സ്വീകരിക്കാൻ നിർദ്ദേശം നൽകിയതായും ധനമന്ത്രി കെ എൻ ബാലഗോപാൽ അറിയിച്ചു
ക്ഷേമ പെൻഷൻ തട്ടിപ്പിന് തടയിടാനായിരുന്നു വിശദമായ പരിശോധനയ്ക്ക് ഇൻഫർമേഷൻ കേരള മിഷനെ ചുമതലപ്പെടുത്തിയത്. ലഭിച്ച പ്രാഥമിക റിപ്പോർട്ട് തന്നെ ഞെട്ടിക്കുന്നത് . സർക്കാർ ജീവനക്കാരായി തുടരുന്ന 1458 പേർ ശമ്പളത്തോടൊപ്പം 1600 രൂപ ക്ഷേമ പെൻഷനും കൈപ്പറ്റുന്നു . ഇതിൽ രണ്ട് കൊളേജ് അധ്യാപകരും മൂന്ന് ഹയർസെക്കൻഡറി അധ്യാപകരും ഉൾപ്പെടുന്നു. അനധികൃതമായി കൈപ്പറ്റിയ തുക പലിശ തിരികെ പിടിക്കും .. ഇവർക്കെതിരെ വകുപ്പുതല നടപടിക്കും ശുപാർശ ചെയ്യുമെന്നും ധനവകുപ്പ്
ക്ഷേമ പെൻഷനിൽ കയ്യിട്ടു വരുന്നതിൽ ഏറ്റവും കൂടുതൽ പേർ ആരോഗ്യ വകുപ്പിലെ ഉദ്യോഗസ്ഥരാണ് .. 373 പേർ. മറ്റു വകുപ്പുകളും പിന്നിലല്ല. പൊതുവിദ്യാഭ്യാസ വകുപ്പവകുപ്പ് – 224 പേർ, മെഡിക്കൽ എഡ്യുക്കേഷൻ വകുപ്പവകുപ്പ്- 124 പേർ , ആയൂർവേദ വകുപ്പിൽ -114 പേർ, മൃഗസംരണക്ഷ വകുപ്പിൽ 74 പേർ, പൊതു മരാമത്ത്‌ വകുപ്പിൽ 47 പേർ .. ഇങ്ങനെ നീളുന്നു പട്ടിക .. 10 പൊലീസ് ഉദ്യോഗസ്ഥരും ഈ പട്ടികയിൽ ഉൾപ്പെടുന്നുണ്ട് .. തുക തിരികെ പിടിക്കുന്നതിൽ പലിശ നിരക്ക് എത്രയെന്ന് പിന്നീട് തീരുമാനിക്കും .. വകുപ്പ് തല നടപടിയ്ക്ക് പുറമെ നിയമ നടപടി വേണമോ എന്നത് സർക്കാർ തീരുമാനിക്കും
