Advertisement
തിരുവനന്തപുരം.പ്രതിഷേധങ്ങൾക്കൊടുവിൽ സംസ്ഥാനത്തെ ഐ.ടി.ഐകളിൽ ശനിയാഴ്ച പ്രവർത്തി ദിനം ഒഴിവാക്കി. പരിശീലസമയം നഷ്ടപ്പെടുത്തുന്നത് ഒഴിവാക്കാൻ പഠനസമയവും പുനക്രമീകരിച്ചു. രാവിലെ 7.30 മുതൽ വൈകുന്നേരം 3 മണി വരെയാണ് ആദ്യത്തെ ഷിഫ്റ്റ്. 10 മണി മുതൽ വൈകുന്നേരം 5.30 വരെ രണ്ടാം ഷിഫ്റ്റും ഏർപ്പെടുത്തി.
ശനിയാഴ്ചകൾ പ്രവർത്തി ദിനം ആക്കിയതിനെതിരെ കഴിഞ്ഞ 8 ശനിയാഴ്ചകളായി കെ.എസ്.യു ഐടിഐകളിൽ പഠിപ്പു മുടക്കി വരികയായിരുന്നു. ഇതിനോടൊപ്പം ഐ.ടി.ഐ വനിതാ ട്രെയിനികൾക്ക് ആർത്തവ അവധിയും പ്രഖ്യാപിച്ചു. എല്ലാ മാസവും വനിതാ ട്രെയിനികൾക്ക് രണ്ട് ദിവസം ആർത്തവ അവധി പ്രഖ്യാപിച്ചു. മന്ത്രി വി. ശിവൻകുട്ടിയാണ് ഐ.ടി.ഐ കളിലെ പുതിയ മാറ്റം പ്രഖ്യാപിച്ചത്
Advertisement
