തിരുവനന്തപുരം. എൽ.ഡി ക്ലാർക്കുമാർ മലയാളവും ഇംഗ്ലീഷും ടൈപ്പ് ചെയ്യാൻ കമ്പ്യൂട്ടർ വേർഡ് അപ്ലിക്കേഷൻ തന്നെ ഉപയോഗിക്കണം എന്ന് നിർബന്ധമില്ല. ഇത് സംബന്ധിച്ച ഉത്തരവ് സർക്കാർ തിരുത്തി. ഏത് അപ്ലിക്കേഷൻ ഉപയോഗിച്ചാലും അക്ഷരങ്ങൾ വേഗത്തിൽ ടൈപ്പ് ചെയ്താൽ മതിയെന്ന് സർക്കാർ ഉത്തരവ്.
കമ്പ്യൂട്ടർ വേർഡ് ആപ്ലിക്കേഷനോ തത്തുല്യമായ മറ്റെന്തെങ്കിലും ആപ്ലിക്കേഷനോ എൽ.ഡി ക്ലർക്കുമാർക്ക് നിർബന്ധം എന്നായിരുന്നു സർക്കാർ ഉത്തരവ്. 2022 മുതൽ ജോലിയിൽ പ്രവേശിച്ചവർക്കായിരുന്നു ഉത്തരവ് ബാധകം. പ്രൊബേഷൻ കാലാവധി പൂർത്തിയാക്കണമെങ്കിലും വേർഡ് ആപ്ലിക്കേഷൻ പരിജ്ഞാനം നിർബന്ധം ആയിരുന്നു. ഇതിനെതിരെ ജീവനക്കാർ തന്നെ പരാതി നൽകി. ഇതിന് പിന്നാലെയാണ് സർക്കാർ ആപ്ലിക്കേഷൻ ഏതായാലും മതിയെന്ന തീരുമാനത്തിലെത്തിയത്. ഉദ്യോഗസ്ഥർക്ക് കമ്പ്യൂട്ടർ പരിജ്ഞാനം നിർബന്ധം. ആപ്ലിക്കേഷൻ ഏതായാലും ഒരു മിനിറ്റിൽ 15 മലയാളം വാക്കും 20 ഇംഗ്ലീഷ് വാക്കും ടൈപ്പ് ചെയ്യാൻ കഴിയണം. അങ്ങനെയുള്ളവരെ മേലുദ്യോഗസ്ഥർക്ക് പ്രൊബേഷൻ കാലാവധി പൂർത്തിയാക്കിയതായി അംഗീകരിക്കാം എന്നാണ് സർക്കാർ ഉത്തരവ്
