Advertisement
തിരുവനന്തപുരം .ശിശുക്ഷേമ സമിതിയിൽ കിടക്കയിൽ മൂത്രമൊഴിച്ചതിന് കുഞ്ഞിനെ ഉപദ്രവിച്ച സംഭവത്തിൽ കൂടുതൽ നടപടികളിലേക്ക് കടന്നു CWC. നിലവിൽ കരാർ അടിസ്ഥാനത്തിൽ ജോലി നോക്കുന്ന എല്ലാ ആയമാർക്കും കൗൺസിലിങ് നൽകും. ഇവരുടെ മാനസിക ആരോഗ്യം ഉറപ്പുവരുത്താൻ ഇടവേളകളിൽ കൗൺസിലിങ്ങും പരിശീലനവും നൽകാനാണ് ആലോചന. പുതിയ തൊഴിലാളികളെ ജോലിക്ക് എടുക്കുമ്പോൾ അവരുടെ കുടുംബ പശ്ചാത്തലവും പരിശോധിക്കും. കേസിൽ അറസ്റ്റിലായ മൂന്ന് പ്രതികളും റിമാൻഡിലാണ്. സംഭവത്തിൽ ബാലവകാശ കമ്മിഷനും റിപ്പോർട്ട് തേടിയിട്ടുണ്ട്. ഒരാഴ്ചക്കുള്ളിൽ അന്വേഷിച്ചു മറുപടി നൽകണമെന്നാണ് സിറ്റി പോലീസ് കമ്മിഷണർക്കും, ശിശു സംരക്ഷണ സമിതിക്കും നൽകിയ നിർദേശം.
Advertisement
