Advertisement
ഇടുക്കി. മുല്ലപ്പെരിയാർ അണക്കെട്ടിലേക്ക് അറ്റുകുറ്റപ്പണികൾക്കെന്ന പേരിൽ അനുമതിയില്ലാതെ തമിഴ് നാട് കൊണ്ടു വന്ന സാധനങ്ങൾ വള്ളക്കടവ് ചെക്കു പോസ്റ്റിൽ വനംവകുപ്പ് തടഞ്ഞു. അണക്കെട്ടിലെ അറ്റകുറ്റപ്പണികൾക്കായി രണ്ടു ലോറികളിൽ പാറമണലാണ് തമിഴ് നാട് പൊതുമരാമത്ത് വകുപ്പ് കൊണ്ടു വന്നത്. പെരിയാർ കടുവ സങ്കേതത്തിലൂടെ സാധനങ്ങൾ കൊണ്ടു പോകാൻ കടുവ സങ്കേതം ഡെപ്യൂട്ടി ഡയറക്ടറുടെയും അനുമതി വേണം. ഈ അനുമതിക്കായി ശുപാർശ ചെയ്യേണ്ടത് സംസ്ഥാന ജലവിഭവ വകുപ്പ് ആണ്. സാധനങ്ങൾ ചെക്കു പോസ്റ്റിൽ വനംവകുപ്പ് തടഞ്ഞപ്പോഴാണ് തമിഴ് നാട് അനുമതിക്കായി എത്തിയത്. ഏതൊക്കെ അറ്റകുറ്റപ്പണികളാണ് നടത്തുന്നതെന്ന് വ്യക്തമാക്കണമെന്ന് ജലവിഭവ വകുപ്പ് ഉദ്യോഗസ്ഥർ ആവശ്യപ്പെട്ടെങ്കിലും തമിഴ് നാട് ഉദ്യോഗസ്ഥർ ഇതിനു തയ്യാറായില്ല. ഇതിനാൽ ജലവിഭവ വകുപ്പ് കത്ത് നൽകിയില്ല.
Advertisement
