Advertisement
കൊച്ചി. കോടതി ഉത്തരവുകൾ ലംഘിച്ച് ശബരിമലയിൽ നടൻ ദിലീപ് വി ഐ പി സന്ദർശനം നടത്തിയ സംഭവം ഹൈക്കോടതി ഇന്ന് വീണ്ടും പരിഗണിക്കും. തിരുവിതാംകൂർ ദേവസ്വം ബോർഡ് എക്സിക്യൂട്ടീവ് ഓഫീസറോട് വിശദമായ റിപ്പോർട്ട്‌ ഹാജരാക്കാൻ കോടതി നിർദ്ദേശിച്ചിരുന്നു. ശബരിമല സ്പെഷ്യൽ കമ്മീഷണറോടും വിശദമായ റിപ്പോർട്ട്‌ നൽകാൻ കോടതി ആവശ്യപ്പെട്ടിരുന്നു. സംഭവത്തിന്റെ സിസിടിവി ദൃശ്യങ്ങൾ കഴിഞ്ഞ ദിവസം കോടതിയിൽ ഹാജരാക്കിയിരുന്നു. ഹരിവരാസനം പാടി തീരുന്നത് വരെ ശ്രീകോവിലിന് മുന്നിൽ നിന്ന് ദിലീപ് ദർശനം നടത്തിയത് കുട്ടികളും മുതിർന്ന സ്ത്രീകൾ അടക്കമുള്ള ഭക്തരുടെ ക്യൂ തടസ്സപെടുത്തിയെന്നും ഇത്തരം സംഭവങ്ങൾ അനുവദിക്കാനാവില്ല എന്നുമായിരുന്നു കോടതി വിമർശനം.
Advertisement
