തിരുവനന്തപുരം, കൊല്ലം, പത്തനംതിട്ട ജില്ലകളിൽ അതിശക്തമായ മഴയ്ക്ക് സാധ്യത.. മൂന്ന് ജില്ലകളിലും ഓറഞ്ച് അലേർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ ആറ് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്.. ശബരിമലയിലും , തമിഴ്നാട് വിവിധ സ്ഥലങ്ങളിലും മഴ ലഭിക്കുന്നുണ്ട്.. ബംഗാൾ ഉൾക്കടലിൽ വീണ്ടും ന്യൂന മർദ്ദ സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു
തിരുവനന്തപുരം, കൊല്ലം ജില്ലകളിൽ ഓറഞ്ച് അലർട്ട് പ്രഖ്യാപിച്ചെങ്കിലും നഗര – ഗ്രാമ മേഖലയിൽ മഴ താരതമ്യേന കുറവാണ്. ഒറ്റപ്പെട്ട ഇടങ്ങളിൽ മാത്രമാണ് മഴ കനക്കുന്നത്.. പത്തനംതിട്ട ജില്ലയിൽ ഓറഞ്ച് അലർട്ട് പ്രഖ്യാപിച്ച സാഹചര്യത്തൽ കനത്ത ജാഗ്രതയിലാണ് ഭക്തരെ മല കയറ്റുന്നത്. ശബരിമലയിലും, നിലയ്ക്കലും മഴയുടെ ശക്തി കുറഞ്ഞു.. ഇന്നലെ സന്നിധാനത്ത് പെയ്തത് 68 മില്ലി മീറ്ററും, നിലക്കലിൽ 73 മില്ലിമീറ്ററും മഴയും ലഭിച്ചിരുന്നു. അച്ചൻകോവിലാറ്റിൽ ജലനിരപ്പ് ഉയർന്നു.. പേപ്പാറ ,അരുവിക്കര ഡാമുകളുടെ ഷട്ടറുകൾ ഉയർത്തിയതിനാൽ സമീപവാസികൾ ജാഗ്രത പാലിക്കണമെന്നാണ് നിർദ്ദേശം.. ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, കോഴിക്കോട് ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ യെല്ലോ അലേർട്ടും പ്രഖ്യാപിച്ചിട്ടുണ്ട്.. ന്യൂന മർദ്ദം ശക്തി കുറഞ്ഞതിനാൽ നാളെ മുതൽ മഴ കുറയുമെന്നാണ് മന്നറിയിപ്പ്.. എന്നാൽ തിങ്കളാഴ്ച ബംഗാൾ ഉൾക്കടലിൽ വീണ്ടും ന്യൂനമർദ്ദം സാധ്യത പ്രവചിക്കുന്നുണ്ട്
