തേനി. മുല്ലപ്പെരിയാർ അണക്കെട്ടിലെ ജലനിരപ്പ് 152 അടിയാക്കി ഉയർത്തുമെന്ന് ഗ്രാമവികസനവകുപ്പ് മന്ത്രി ഐ പെരിയസ്വാമി. തമിഴ്നാട്ടിലെ ജനങ്ങളുടെ സ്വപ്നം യാഥാർഥ്യമാക്കുമെന്ന് മന്ത്രി പറഞ്ഞു. തേനിയിൽ മഴ ബാധിത പ്രദേശങ്ങൾ സന്ദർശിക്കവേയാണ് മന്ത്രിയുടെ പരാമർശം
ഒരിടവേളയ്ക്ക് ശേഷം മുല്ലപ്പെരിയാർ ഡാമിലെ ജലനിരപ്പ് സംബന്ധിച്ചുള്ള ചർച്ചകൾക്ക് വഴിവെയ്ക്കുന്നതാണ് മന്ത്രി ഐ പെരിയസ്വാമിയുടെ വാക്കുകൾ. മുല്ലപ്പെരിയാർ അണക്കെട്ടിലെ ജലനിരപ്പ് 152 അടിയാക്കി ഉയർത്തും. തമിഴ്നാടിന്റെ സ്വപ്നം ഡിഎംകെ സർക്കാർ നടപ്പിലാക്കും. സംസ്ഥാനത്തിന്റെ ഒരിഞ്ച് ഭൂമിപോലും ആർക്കും വിട്ടുനൽകില്ലെന്നും മന്ത്രി പറഞ്ഞു
മുല്ലപ്പെരിയാർ അണക്കെട്ടിൽ അടിയന്തര അറ്റകുറ്റപ്പണികൾ നടത്താൻ കേരളം കഴിഞ്ഞയാഴ്ച തമിഴ്‌നാടിന് അനുമതി നൽകിയിരുന്നു. തമിഴ്നാട് മുഖ്യമന്ത്രി എംകെ സ്റ്റാലിൻ മുഖ്യമന്ത്രി പിണറായി വിജയനുമായി നടത്തിയ ചർച്ചയ്ക്ക് പിന്നാലെയിരുന്നു ഇത്.
പുതിയ സാഹചര്യത്തിൽ സംസ്ഥാനത്തിന്റെ പ്രതികരണവും നിർണായകമാകും
