ചങ്ങനാശേരി.വിവാദങ്ങൾക്ക് അന്ത്യംകുറിച്ച് മന്നം ജയന്തി പൊതുസമ്മേളനം രമേശ് ചെന്നിത്തല ഉത്ഘാടനം ചെയ്യും. നേരത്തെ മുഖ്യപ്രഭാഷകൻ ആയാണ് ചെന്നിത്തലയെ നിശ്ചയിച്ചിരുന്നത് .
അറ്റോർണി ജനറൽ ആർ. വെങ്കിട്ടരമണിക്ക് പരിപാടിയിൽ പങ്കെടുക്കാൻ അസൗകര്യം ഉണ്ടായ സാഹചര്യത്തിൽ ആണ് ചെന്നിത്തലയെ ഉത്ഘാടകൻ ആക്കിയത്
11 വർഷം നീണ്ട അകൽച്ച അവസാനിപ്പിച്ചു മന്നംജയന്തി സമ്മേളനത്തിൽ മുഖ്യപ്രഭാഷണത്തിനാണ് എൻഎസ്എസ് രമേശ് ചെന്നിത്തലയെ ആദ്യം ക്ഷണിച്ചത് . ഇതിനു പിന്നാലെ വലിയ രാഷ്ട്രീയ വിവാദമായി ഇത് മാറുകയും ചെയ്തു . മുഖ്യമന്ത്രി സ്ഥാനത്തേക്ക് ആരെന്ന് ചർച്ചയിൽ രമേശ് ചെന്നിത്തലയ്ക്കു മുൻതൂക്കവും ലഭിച്ചു. കോൺഗ്രസിനുള്ളിൽ അതൃപ്തി തുടരുന്ന സാഹചര്യത്തിലാണ് ചെന്നിത്തലയ്ക്ക് മന്നംജയന്തി ഉദ്ഘാടനം ചെയ്യാനുള്ള അവസരവും ലഭിച്ചിരിക്കുന്നത് . അറ്റോർണി ജനറൽ ആർ. വെങ്കിട്ടരമണിയായിരുന്നു നേരത്തെ നിശ്ചയിച്ച ഉത്ഘാടകൻ. അദ്ദേഹത്തിന് പരിപാടിയിൽ പങ്കെടുക്കാൻ അസൗകര്യം ഉണ്ടായ സാഹചര്യത്തിൽ ആണ് ചെന്നിത്തലയെ ഉത്ഘാടകൻ ആക്കിയത്.
താക്കോൽ സ്ഥാന പരാമർശത്തെ തുടർന്ന് 2013 ലാണ് ചെന്നിത്തല എൻഎസ്എസ് മായി അകന്നത് . പിന്നീട് ഒരു പരിപാടിയിലും ചെന്നിത്തലക്ക് ക്ഷണം ഉണ്ടായിരുന്നില്ല .അകല്ച്ച അവസാനിപ്പിച്ചാണ് വീണ്ടും എൻഎസ്എസും ചെന്നിത്തലയും അടുക്കുന്നത് . ജനുവരി 2നാണ് മന്നംജയന്തി പൊതുസമ്മേളനം.
