Advertisement
പത്തനംതിട്ട: സ്വന്തം വീട്ടുകാരെ അപായപ്പെടുത്താൻ ഇരുപത്തിമൂന്നുകാരന്റെ ശ്രമം. അടൂർ പള്ളിക്കലിൽ ആണ് സംഭവം. അമ്മയേയും സഹോദരിയേയും വീട്ടിൽ പൂട്ടിയിട്ട്, ഗ്യാസ് സിലിണ്ടർ തുറന്നുവിട്ട് വീട് കത്തിക്കാനാണ് യുവാവ് ശ്രമിച്ചത്.
ഇന്നലെ രാത്രി ഒമ്പതുമണിയോടുകൂടിയാണ് സംഭവം. ജോമിൻ എന്ന യുവാവാണ് അക്രമാസക്തനായത്. കാർ, സ്കൂട്ടർ, വീട്ടുപകരണങ്ങൾ എന്നിവ യുവാവ് തല്ലിത്തകർത്തു. തുടർന്ന് ഔട്ട് ഹൗസിൽ ഇരുന്ന ഗ്യാസ് സിലിണ്ടർ വീടിനകത്തേക്ക് എറിയുമെന്ന് ഇയാൾ ഭീഷണിപ്പെടുത്തി. തുടർന്ന് അഗ്നിരക്ഷാ സേന അംഗങ്ങൾ എത്തിയപ്പോൾ അവർക്ക് നേരെയും കല്ലുകളെറിഞ്ഞ് യുവാവ് പരാക്രമം കാണിച്ചു. സേന അംഗങ്ങളാണ് ഗ്യാസ് സിലിണ്ടർ ഓഫ് ചെയ്ത ശേഷം വീട്ടുകാരെ രക്ഷിച്ചത്. ജോമിൻ സംഭവസ്ഥലത്ത് നിന്നും രക്ഷപ്പെട്ടു.
Advertisement
