Advertisement
തിരുവനന്തപുരം. സംസ്ഥാനത്ത് ഹയര്‍സെക്കണ്ടറി ചോദ്യപേപ്പര്‍ സൂക്ഷിക്കാന്‍ കൃത്യമായ മാനദണ്ഡമില്ലാത്തതില്‍ പ്രിന്‍സിപ്പല്‍മാര്‍ക്ക് ആശങ്ക. ലാബ് അസിസ്റ്റന്റിന്റെ കീഴില്‍ സ്‌കൂളുകളില്‍ തന്നെ സൂക്ഷിക്കാനാണ് നിലവില്‍ നിര്‍ദേശം. പല സ്‌കൂളുകളിലും ലാബ് അസിസ്റ്റന്റുമാര്‍ വനിതകള്‍. ട്രഷറിയില്‍ സൂക്ഷിക്കുമെന്ന കാര്യം പരിഗണിക്കുമെന്ന് നേരത്തെ മന്ത്രി ഉറപ്പ് നല്‍കിയിരുന്നു. സ്‌കൂളുകളുടെ ക്ലസ്റ്റര്‍ രൂപീകരിച്ച് ഒരിടത്ത് സൂക്ഷിക്കണമെന്ന ആവശ്യവും പരിഗണിക്കപ്പെട്ടില്ല. പ്രിന്‍സിപ്പല്‍ അസോസിയേഷന്‍ പലകുറി ഇത് സംബന്ധിച്ച് കത്ത് നല്‍കിയിട്ടും തീരുമാനമായില്ല. ഹൈസ്‌ക്കൂള്‍ ചോദ്യപേപ്പര്‍ ട്രഷറിയില്‍ സൂക്ഷിക്കുമ്പോഴും പ്രാധാന്യമേറിയ ഹയര്‍സെക്കറി ചോദ്യപേപ്പര്‍ ഇപ്പോഴും സ്‌കൂളില്‍ തന്നെ.
REP PIC BY META
Advertisement
