ചങ്ങനാശേരി. ക്ഷേത്രത്തിലെ വസ്ത്രധാരണ വിവാദത്തിൽ മുഖ്യമന്ത്രിയേയും ശിവഗിരി മഠത്തേയും കടന്നാക്രമിച്ച് എന്‍എസ്എസ് ജനറൽ സെക്രട്ടറി ജി സുകുമാരൻ നായർ. ഇതരമതവിഭാഗങ്ങളിലെ നടപടിക്രമങ്ങളെ വിമർശിക്കാൻ മുഖ്യമന്ത്രിക്കും ശിവഗിരി മഠത്തിനും ധൈര്യമുണ്ടോയെന്ന് ജി സുകുമാരൻ നായർ ചോദിച്ചു. കാലങ്ങളായി നിലനിൽക്കുന്ന ആചാരം മാറ്റണം എന്ന് പറയാൻ ഇവർ ആരാണെന്നും എന്‍എസ്എസ് ജനറൽ സെക്രട്ടറി
മന്നംജയന്തി ആഘോഷങ്ങളുടെ ഭാഗമായുള്ള പൊതുസമ്മേളനത്തിലാണ് ക്ഷേത്രത്തിലെ വസ്ത്രധാരണയെ സംബന്ധിച്ചു എന്‍എസ്എസ് നിലപാട് ജനറൽ സെക്രട്ടറി പരസ്യപ്പെടുത്തിയത്. മേൽ മുണ്ട് ധരിച്ച് കേറുന്നതിനെതിരായ വ്യാഖ്യാനങ്ങൾ ഹിന്ദു സമൂഹത്തിനുമേൽ മാത്രമാണോ.
ഹിന്ദുവിന്റെ കാര്യം ഏതെലും ഒരു കൂട്ടർ മാത്രം ആണോ തീരുമാനിക്കുന്നതെന്നും ശിവഗിരി മഠത്തിനെതിരെ വിമർശനം ഉന്നയിച്ചു. ആചാരങ്ങളിൽ കൈ കടത്തരുതെന്നും ഒരോ ക്ഷേത്രത്തിലും ഓരോ ആചാരമാണെന്നും അത് സർക്കാരിനോ മറ്റോ തിരുത്താനാകില്ലെന്നും സുകുമാരൻ നായർ പറഞ്ഞു….
ക്ഷേത്രത്തിൽ മേൽമുണ്ട് അഴിച്ചു തരണമെന്ന് നിബന്ധന ഒഴിവാക്കണമെന്ന് ശ്രീനാരായണ ധർമസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദയുടെ പരാമർശത്തെ മുഖ്യമന്ത്രി അനുകൂലിച്ചത് തെറ്റായി പോയെന്നും സുകുമാരൻ നായർ.
ഹിന്ദുവിന് മാത്രം ചിലത് പാടില്ല എന്ന നിലപാട് അംഗീകരിക്കാൻ കഴിയില്ല. ഇതിനൊക്കെ ചാതുർവർണ്യം നിരത്തി വെക്കേണ്ട കാര്യം ഇല്ല. ഉടുപ്പ് ഇടേണ്ട സ്ഥലത്ത് ഇടുകയും ഒഴിവാക്കേണ്ട സ്ഥലത്ത് ഒഴിവാക്കുകയും ചെയ്യണമെന്നും ജി സുകുമാരൻ നായർ
ശിവഗിരി തീർഥാടന മഹോത്സവ സമ്മേളനത്തിലായിരുന്നു ക്ഷേത്രത്തിൽ ഉടുപ്പഴിച്ച കേരളം എന്ന നിബന്ധന ഒഴിവാക്കണമെന്ന സ്വാമി സച്ചിദാനന്ദയുടെ പരാമർശം.
സച്ചിദാനന്ദ സ്വാമികൾക്ക് ശേഷം സംസാരിച്ച മുഖ്യമന്ത്രി പിണറായി വിജയനും ഈ നിലപാടിനെ പിന്തുണച്ചു. കാലാനുസൃതമായ മാറ്റം ആവശ്യമാണെന്നും
മറ്റ് ആരാധനാലയങ്ങളും ഭാവിയിൽ ഈ നിർദേശം സ്വീകരിക്കുമെന്നാണ് പ്രതീക്ഷയെന്നുമായിരുന്നു മുഖ്യമന്ത്രി പറഞ്ഞത്..
