മലപ്പുറം. സി പി എം ജില്ല സമ്മേളനത്തിൽ ആഭ്യന്തര വകുപ്പിന് വിമർശനം. പൊലീസ് സ്റ്റേഷനിലെത്തുന്ന പൊതുപ്രവർത്തകരോട് പല പൊലീസ് ഉദ്യോഗസ്ഥരും അമാന്യമായാണ് പെരുമാറുന്നത് ഇവ നിയന്ത്രിക്കാൻ മുഖ്യമന്ത്രി തന്നെ ഇടപെടണമെന്നും സമ്മേളനത്തിൽ ആവശ്യമുയർന്നു. സമ്മേളനം നാളെ സമാപിക്കും. നിലവിലെ ജില്ല സെക്രട്ടറി മാറിയേക്കും.
ജനങ്ങളുടെ വിവിധ ആവശ്യങ്ങളുമായി പൊലീസ് സ്റ്റേഷനിലേക്ക് എത്തിയാൽ ഉദ്യോഗസ്ഥരിൽ പലർക്കും പൊതു പ്രവർത്തകരോട് പുച്ഛമാണ്. പൊലിസ് ഉദ്യോഗസ്ഥരിൽ പലരും അമാന്യമായി പെരുമാറുന്നത് പതിവാണെന്നും വിമർശനമുയർന്നു.
സർക്കാർ ഓഫീസുകളിൽ എത്തുന്ന സദ്ധാരണക്കാരോട് സാങ്കേതികത്വം l തിരിച്ചയക്കുന്നത് പതിവാണ് എന്നും 15 ലധികം പ്രതിനിധികൾ വിമർശനമായി ഉന്നയിച്ചു.എ വിജയരാഘവന്റെ മാപ്ര പരാമർശത്തിലും വിമർശനം ഉയർന്നിരുന്നു.മൂന്ന് ദിവസങ്ങളിലായി താനൂരിൽ നടക്കുന്ന ജില്ല സമ്മേളനം നാളെ സമാപിക്കും. മുഖ്യമന്ത്രി പിണറായി വിജയൻ പൊതു സമ്മേളനം ഉദ്ഘാടനം ചെയ്യും. ആരോഗ്യ പ്രശ്നങ്ങളാൽ സ്ഥാനത്ത് നിന്ന് മാറാൻ നിലവിലെ സെക്രട്ടറി ഇ എൻ മോഹൻ ദാസ് താത്പര്യം പ്രകടപ്പിച്ചിട്ടുണ്ട് . ജില്ല സെക്രട്ടറിയേറ്റ് അംഗളായ വിപി അനിൽ ,ഇ ജയൻ, മുൻ എം എൽ എ ,വി ശശികുമാർ എന്നിവരുടെ പേരുകളാണ് പുതിയ സെക്രട്ടറി സ്ഥാനേത്തക്ക് ഉയർന്നു കേൾക്കുന്ന പേരുകൾ .
