Advertisement
തിരുവനന്തപുരം. മടവൂർ തോളൂരിൽ കാൽ നടയാത്രികരായ അമ്മയെയും മകളെയും അമിതവേഗതയിൽ വന്ന കാർ ഇടിച്ചു തെറിപ്പിച്ചു.
പള്ളിമേടതിൽ വീട്ടിൽ സബീന ആണ് മരിച്ചത്. 39 വയസായിരുന്നു. രാത്രി 8 മണിയോടെയാണ് അപകടം. ഗുരുതരമായി പരിക്കേറ്റ മകൾ അൽഫിയാ ചികിത്സയിലാണ്. റോഡിന്റെ വലതു ഭാഗത്ത്‌ കൂടി പോവുകയായിരുന്ന ഇവരുടെ നേർക്ക് അമിത വേഗതയിൽ വന്ന കാർ ക്രോസ് ചെയ്ത് ഇടിക്കുകയായിരുന്നു എന്ന് ദൃക്‌സ്ക്ഷികൾ പറയുന്നു. അൽഫിയയുടെ നില ഗുരുതരമാണ്. പാരിപ്പള്ളി മെഡിക്കൽ കോളേജിലേക്ക് മാറ്റി.
കാറിൽ രണ്ട് പേരാണ് ഉണ്ടായിരുന്നത്. റിട്ട മിലിട്ടറി ഉദ്യോഗസ്ഥനായ സാബു ആണ് വാഹനം ഓടിച്ചിരുന്നത്. അശ്രദ്ധമായും അമിത വേഗതയുമാണ് അപകട കാരണം
