2025 ജനുവരി 30 വ്യാഴം
BREAKING NEWS
👉 ഇന്ന് വിവാഹിതനാവാനിരുന്ന യുവാവ് ഇന്നലെ രാത്രിയിലുണ്ടായ വാഹനാപകടത്തില്‍ മരിച്ചു.
👉കോട്ടയം കടപ്ലാമറ്റം സ്വദേശി ജിജോ ജിന്‍സണ്‍ ആണ് എം.സി റോഡിലെ കളിക്കാവിലുണ്ടായ വാഹനാപകടത്തില്‍ മരിച്ചത്.
👉ജിജോ സഞ്ചരിച്ച ബൈക്ക് ഒരു ട്രാവലറുമായി കൂട്ടിയിടിക്കുകയായിരുന്നു.
👉അപകടത്തിൽ പരിക്കേറ്റ സുഹൃത്ത് അജിത്ത് കോട്ടയം മെഡിക്കൽ കോളജ് ആശുപത്രിയിലാണ്.
👉നെന്മാറ ഇരട്ടക്കൊല കേസ് പ്രതി ചെന്താമരയെ കസ്റ്റഡിയിൽ വാങ്ങി തെളിവെടുക്കും.ഇതിനായി തിങ്കളാഴ്ച പോലീസ് കസ്റ്റഡി അപേക്ഷ നൽകും
🌴🌴കേരളീയം🌴🌴
🙏 സംസ്ഥാനത്ത് കനത്ത ചൂട് റിപ്പോര്‍ട്ട് ചെയ്യുന്ന സാഹചര്യത്തില്‍ ആരോഗ്യ വകുപ്പ് ജാഗ്രതാ നിര്‍ദേശം നല്‍കിയതായി ആരോഗ്യ വകുപ്പ് മന്ത്രി വീണാ ജോര്‍ജ്. രാവിലെ 11 മണി മുതല്‍ വൈകുന്നേരം മൂന്ന് മണി വരെ നേരിട്ട് സൂര്യപ്രകാശം ഏല്‍ക്കാതിരിക്കാന്‍ എല്ലാവരും ശ്രദ്ധിക്കണം.
🙏 പാലക്കാട് ബ്രൂവറി വിവാദത്തില്‍ പ്രതിപക്ഷ നേതാവ് വിഡി സതീശന്‍ അതീവ രഹസ്യമെന്ന് പറഞ്ഞ് പുറത്തുവിട്ട കാബിനറ്റ് നോട്ട് 13 ദിവസം മുന്‍പ് ഗവണ്‍മെന്റ് വെബ്സൈറ്റില്‍ പ്രസിദ്ധീകരിച്ചതാണെന്ന് എക്സൈസ് വകുപ്പ് മന്ത്രി എംബി രാജേഷ്.
🙏 സംസ്ഥാനത്തെ 30 തദ്ദേശ വാര്‍ഡുകളിലെ ഉപതിരഞ്ഞെടുപ്പ് ഫെബ്രുവരി 24ന് നടത്തുമെന്ന് സംസ്ഥാന തെരഞ്ഞെടുപ്പ് കമ്മീഷണര്‍ എ ഷാജഹാന്‍ അറിയിച്ചു.
🙏 വയനാട് പൂക്കോട് വെറ്ററിനറി സര്‍വകലാശാലയിലെ സിദ്ധാര്‍ത്ഥന്റെ മരണവുമായി ബന്ധപ്പെട്ട കേസില്‍ പ്രതികളായ വിദ്യാര്‍ത്ഥികള്‍ക്ക് പഠനം തുടരാന്‍ അനുമതി.
🙏 ഹോമിയോ മരുന്നുകള്‍ നിര്‍മ്മിക്കുന്ന പൊതുമേഖലാ സ്ഥാപനമായ ഹോംകോയ്ക്ക് അനുവദിച്ച സ്പിരിറ്റിന്റെ പെര്‍മിറ്റ് നഷ്ടപ്പെട്ടു. 20,000 ലിറ്റര്‍ സ്പിരിറ്റിന്റെ പെര്‍മിറ്റാണ് നഷ്ടപ്പെട്ടത്. സ്പിരിറ്റ് കിട്ടാതായതോടെ മരുന്നുകളുടെ ഉത്പാദനം സ്തംഭിച്ചു.
🙏 സംസ്ഥാനങ്ങളുടെ ധനസ്ഥിതി താരതമ്യപ്പെടുത്തി നിതി ആയോഗ് നടത്തിയ റാങ്കിങ്ങില്‍ 2022-23 ലെ പ്രകടനത്തിന്റെ അടിസ്ഥാനത്തില്‍ കേരളത്തിന് 18ല്‍ 15-ാം സ്ഥാനമെന്ന് റിപ്പോര്‍ട്ടുകള്‍.
🙏 ഗുജറാത്ത് മുന്ദ്ര തുറമുഖത്തിന്റെ മാതൃകയില്‍ വിഴിഞ്ഞത്ത് പ്രത്യേക സാമ്പത്തിക മേഖല വികസിപ്പിക്കാന്‍ പദ്ധതിയുണ്ടെന്ന് അദാനി പോര്‍ട്സ് സെസ് കണ്ടെയ്നര്‍ ബിസിനസ് മേധാവി ഹരികൃഷ്ണന്‍ സുന്ദരം പറഞ്ഞു .
🙏 ജനുവരിയിലെ ഭക്ഷ്യധാന്യങ്ങള്‍ രണ്ടുദിവസത്തിനകം റേഷന്‍ കാര്‍ഡുടമകള്‍ കൈപ്പറ്റണമെന്ന് മന്ത്രി ജിആര്‍ അനില്‍.
🙏 വട്ടിയൂര്‍ക്കാവില്‍ ഓടിക്കൊണ്ടിരുന്ന സ്‌കൂള്‍ ബസിനുള്ളില്‍ കത്തിക്കുത്ത്. നെട്ടയത്തെ സ്വകാര്യ സ്‌കൂളിന്റെ ബസില്‍ വച്ച് പ്ലസ് വണ്‍ വിദ്യാര്‍ത്ഥി ഒന്‍പതാം ക്ലാസ് വിദ്യാര്‍ത്ഥിയെയാണ് കുത്തിപ്പരിക്കേല്‍പ്പിച്ചത്.
🙏വേനല്‍ക്കാലത്ത് വന്യമൃഗങ്ങള്‍ക്ക് കാട്ടില്‍ തന്നെ ഭക്ഷണവും വെള്ളവും ഉറപ്പാക്കാന്‍ പദ്ധതിയുമായി സര്‍ക്കാര്‍. മിഷന്‍ ഫുഡ് ഫോഡര്‍ ആന്‍ഡ് വാട്ടര്‍ എന്ന് പേരിട്ടിരിക്കുന്ന പദ്ധതി മൂന്ന് ഘട്ടങ്ങളിലായി നടപ്പിലാക്കുമെന്ന് വനം മന്ത്രി എകെ ശശീന്ദ്രന്‍ അറിയിച്ചു.
🙏 ഫെബ്രുവരി 3 അര്‍ദ്ധരാത്രി മുതല്‍ ട്രാന്‍സ്‌പോര്‍ട്ട് ഡെമോക്രാറ്റിക് ഫെഡറേഷന്റെ നേതൃത്വത്തില്‍ കെഎസ്ആര്‍ടിസി ജീവനക്കാര്‍ ഒരു ദിവസത്തെ പണിമുടക്ക് നടത്തുമെന്ന് റ്റി.ഡിഎഫ് സംസ്ഥാന പ്രഡിസന്റ് തമ്പാനൂര്‍ രവി അറിയിച്ചു.
🙏 സംസ്ഥാന സെക്രട്ടറിയേറ്റിന് മുന്നില്‍ മുഖ്യമന്ത്രിയുടെ ചിത്രമുള്ള കൂറ്റന്‍ ഫ്ലക്സ് വച്ച സംഭവത്തില്‍ സിപിഎം അനുകൂല കേരള സെക്രട്ടറിയേറ്റ് എംപ്ലോയീസ് അസോസിയേഷന്‍ ഭാരവാഹികള്‍ക്കെതിരെ നടപടി വേണമെന്ന് ആവശ്യം.
🙏 ചോറ്റാനിക്കരയില്‍ പെണ്‍കുട്ടിയെ വീടിനുളളില്‍ അവശനിലയില്‍ കണ്ടെത്തിയ സംഭവത്തില്‍ പെണ്‍കുട്ടിയുടെ ആണ് സുഹൃത്തിനെതിരെ വധശ്രമത്തിനും ബലാത്സംഗത്തിനും കേസെടുത്തത് പൊലീസ് . ഒളിവിലായിരുന്ന തലയോലപ്പറമ്പ് സ്വദേശി അനൂപിനെ പൊലീസ് നേരത്തെ അറസ്റ്റ് ചെയ്തിരുന്നു.
🙏 ഇരിക്കൂര്‍ ആയിപ്പുഴയില്‍ ഹൈസ്‌കൂള്‍ വിദ്യാര്‍ത്ഥി പുഴയില്‍ ഒഴുക്കില്‍പ്പെട്ട് മരിച്ചു. ഇരിക്കൂര്‍ ഗവ.ഹയര്‍ സെക്കണ്ടറി സ്‌ക്കൂള്‍ ഒമ്പതാം ക്ലാസ് വിദ്യാര്‍ത്ഥി സി. മുഹമ്മദ് ഷാമില്‍ (14) ആണ് മരിച്ചത്.
🇳🇪 ദേശീയം 🇳🇪
🙏 യമുന നദി വൃത്തിയാക്കി അതിലെ വെള്ളം കുടിക്കുമെന്ന് ഡല്‍ഹിക്ക് വാക്ക് നല്‍കിയിരുന്ന അരവിന്ദ് കെജ്രിവാളിനെ യമുനയിലെ വെള്ളം കുടിക്കാന്‍ വെല്ലുവിളിച്ച് രാഹുല്‍ ഗാന്ധി.
🙏 നീറ്റ് പി.ജി പ്രവേശനത്തില്‍ താമസ സ്ഥലം അടിസ്ഥാനമാക്കിയുള്ള സംവരണം തടഞ്ഞ് സുപ്രീം കോടതി. സംസ്ഥാന ക്വാട്ടയില്‍ തദ്ദേശീയര്‍ക്ക് നല്‍കുന്ന സംവരണമാണ് തടഞ്ഞത്. ഇത്തരം സംവരണം ഭരണഘടന നല്‍കുന്ന തുല്യതയ്ക്കുള്ള അവകാശത്തിന്റെ ലംഘനമാണെന്ന് ജസ്റ്റിസ് ഹൃഷികേശ് റോയ് അധ്യക്ഷനായ മൂന്നംഗ ബെഞ്ച് നിരീക്ഷിച്ചു.
🙏 മഹാകുംഭമേളയില്‍ ഇന്നലെ പുലര്‍ച്ചെയുണ്ടായ തിക്കിലും തിരക്കിലും പെട്ട് 30 പേര്‍ക്ക് ജീവന്‍ നഷ്ടമായതായി പൊലീസ്. 25 പേരെ തിരിച്ചറിഞ്ഞിട്ടുണ്ടെന്നും ബാക്കിയുള്ള 5 പേരെ തിരിച്ചറിയാനുണ്ടെന്നും ഡിഐജി വൈഭവ് കൃഷ്ണ പറഞ്ഞു.
🙏 മഹാകുംഭമേളയ്
ക്കെത്തുന്ന ഭക്തര്‍ സ്വയം അച്ചടക്കം പാലിക്കണമെന്ന് മുഖ്യമന്ത്രി യോഗി ആദിത്യനാഥ്. തിരക്കൊഴിവാക്കാന്‍ സര്‍ക്കാരുമായി സഹകരിക്കണമെന്നും ഏറ്റവും അടുത്തുള്ള ഘട്ടില്‍ മാത്രം സ്നാനം നടത്താന്‍ ശ്രമിക്കണമെന്നും എല്ലാവരും സംഗമത്തിലേക്ക് പോയി സ്നാനം ചെയ്യാന്‍ ശ്രമിക്കരുതെന്നും അദ്ദേഹം എക്സില്‍ പങ്കുവച്ച കുറിപ്പില്‍ ആവശ്യപ്പെട്ടു.
🙏 മുത്തലാഖ് നിയമപ്രകാരം രജിസ്റ്റര്‍ ചെയ്ത കേസുകളുടെ വിവരങ്ങള്‍ തേടി സുപ്രീം കോടതി. മുത്തലാഖ് ചൊല്ലിയതിന് എത്ര മുസ്ലീം പുരുഷന്മാര്‍ക്കെതിരെ കേസെടുത്തിട്ടുണ്ട്, തുടര്‍നടപടികളെന്ത് തുടങ്ങിയ വിവരങ്ങള്‍ നല്‍കാന്‍ കേന്ദ്രസര്‍ക്കാരിനോട് സുപ്രീം കോടതി നിര്‍ദേശിച്ചു.
🙏 പ്രശസ്തമായ മുംബൈ സിദ്ധിവിനായക ക്ഷേത്രത്തില്‍ ഡ്രസ് കോഡ് നിര്‍ബന്ധമാക്കി. ശരീരഭാഗങ്ങള്‍ പുറത്തു കാണിക്കുന്ന വസ്ത്രങ്ങള്‍ക്കും കീറിയ ജീന്‍സിനും ഷോര്‍ട്ട് സ്‌കര്‍ട്ടുകള്‍ക്കും ക്ഷേത്രത്തില്‍ വിലക്ക് ഏര്‍പ്പെടുത്തി. പുതിയ ഡ്രസ് കോഡ് പാലിക്കാത്തവരെ അടുത്ത ആഴ്ച മുതല്‍ ക്ഷേത്രത്തില്‍ പ്രവേശിപ്പിക്കില്ല.
🙏 ലഡാക്കിലെ തര്‍ക്കമേഖലയില്‍ നിന്ന് സേനാപിന്മാറ്റം പൂര്‍ത്തിയായെങ്കിലും നിയന്ത്രണരേഖയോട് ചേര്‍ന്ന് അടിസ്ഥാന സൗകര്യങ്ങള്‍ വിപുലീകരിക്കുന്നത് തുടര്‍ന്ന് ചൈന.
🇦🇴 അന്തർദേശീയം 🇦🇺
🙏 കൂടുതല്‍ സമ്പന്നവും ശക്തമായതുമായ ഒരു സംവിധാനത്തിലേക്ക് യുഎസ് മടങ്ങേണ്ട സമയമാണിതെന്ന് യുഎസ് പ്രസിഡന്റ് ഡൊണാള്‍ഡ് ട്രംപ്. അമേരിക്കക്കാരുടെ ആദായനികുതി ഒഴിവാക്കണമെന്ന വാദം ആവര്‍ത്തിച്ച ട്രംപ് വിദേശ പൗരന്മാര്‍ക്ക് നികുതി ചുമത്തിയും വിദേശ രാജ്യങ്ങളില്‍ നിന്നുള്ള ഇറക്കുമതിക്ക് കൂടുതല്‍ താരിഫ് ഏര്‍പ്പെടുത്തിയും യുഎസിനെ സമ്പന്നമാക്കാമെന്ന് വ്യക്തമാക്കി.
🙏 തന്റെ ഭരണത്തിന്റെ ഭാഗമാകാന്‍ താത്പര്യമില്ലാത്ത ഫെഡറല്‍ ജീവനക്കാര്‍ക്ക് പിരിഞ്ഞുപോകാനുള്ള പാക്കേജ് പ്രഖ്യാപിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. എട്ട് മാസത്തെ ശമ്പളം പിരിഞ്ഞുപോകുന്നവര്‍ക്കുള്ള അലവന്‍സായി നല്‍കുമെന്നാണ് ട്രംപ് അറിയിച്ചിരിക്കുന്നത്.
🙏 പുതിന് നേരെയുള്ള ഏതൊരാക്രമണവും വലിയ പ്രത്യാഘാതങ്ങള്‍ക്കിടയാക്കുമെന്ന് റഷ്യന്‍ പാര്‍ലമെന്റ് സ്പീക്കര്‍ വിയാചെസ്ലാവ് വൊളോദിന്‍. പുതിനെ അപായപ്പെടുത്താനുള്ള നീക്കമുണ്ടാകുന്ന പക്ഷം ആണവയുദ്ധത്തിനുവരെ സാധ്യതയുണ്ടെന്ന് വൊളോദിന്‍ കൂട്ടിച്ചേര്‍ത്തു.
🙏 തെക്കന്‍ സുഡാനിലുണ്ടായ വിമാന അപകടത്തില്‍ ഇന്ത്യക്കാരനടക്കം 20 പേര്‍ കൊല്ലപ്പെട്ടു. ടേക്ക് ഓഫിന് തൊട്ടുപിന്നാലെ വിമാനം റണ്‍വേയില്‍ നിന്ന് 500 മീറ്റര്‍ അകലെ വീണാണ് തകര്‍ന്നത്. ഒരാള്‍ മാത്രമാണ് അപകടത്തില്‍ നിന്ന് രക്ഷപ്പെട്ടതെന്നാണ് അധികൃതര്‍ വിശദമാക്കുന്നത്. 16 സുഡാന്‍ സ്വദേശികള്‍, രണ്ട് ചൈനക്കാര്‍ ഒരു ഇന്ത്യക്കാരന്‍ എന്നിവരാണ് കൊല്ലപ്പെട്ടത്.
⛷️ കായികം🏏
🙏 38-ാം ദേശീയ ഗെയിംസില്‍ നീന്തല്‍ താരം സാജന്‍ പ്രകാശിലൂടെ കേരളത്തിന് ആദ്യ മെഡല്‍. 200 മീറ്റര്‍ ഫ്രീസ്റ്റൈല്‍,100 മീറ്റര്‍ ബട്ടര്‍ഫ്ലൈ ഇനങ്ങളില്‍ സാജന്‍ പ്രകാശ് വെങ്കലം നേടി.
