2025 ജനുവരി 31 വെള്ളി
BREAKING NEWS
👉എറണാകുളം പറവൂരിൽ മതിയായ യാത്രാരേഖകളില്ലാത്ത 27 ബംഗ്ലാദേശികൾ പിടിയിലായി.
👉ജമ്മുവിൽ പുഞ്ചിലെ നിയന്ത്രണരേഖയ്ക്ക് സമീപം നുഴഞ്ഞ് കയറ്റ ശ്രമം. സൈന്യം വെടിയുതിർത്തു.
👉ബാലരാമപുരത്ത് രണ്ട് വയസുകാരിയുടെ കൊലപാതകം: അമ്മാവൻ്റെയും അമ്മയുടെയും ഫോണുകൾ പരിശേധനയ്ക്ക് അയയ്ക്കും.
👉ബാലരാമപുരത്തെ രണ്ട് വയസ്സുകാരിയെ കൊലപ്പെടുത്തിയ കേസിൽ കസ്റ്റഡിയിലുള്ള പ്രതിയായ അമ്മാവൻ ഹരികുമാർ ഭക്ഷണപാനീയങ്ങൾ ഒന്നും കഴിക്കുന്നില്ലെന്ന് പോലീസ്
👉 തൃപ്പൂണത്തറയിൽ ഒൻപതാം ക്ലാസ്സുകാരൻ മഹീർ മരിച്ച നിലയിൽ കണ്ടെത്തിയ സംഭവത്തിൽ ഒന്നും മറച്ച് വെയ്ക്കാനില്ലെന്ന നിലപാടിൽ ഗ്ലോബൽ പബ്ളിക്ക് സ്ക്കൂൾ
👉ഇടുക്കി മൂന്നാർ മറയൂർ റോഡിൽ കാട്ടാന പടയപ്പ ഇറങ്ങി ഗതാഗതം തടഞ്ഞു. നയമക്കാട് എസ്റ്റേറ്റ് മേഖലയിൽ കൃഷി നാശം ഉണ്ടാക്കിയ ആനയ്ക്ക് മദപ്പാടുണ്ടന്ന് വനം വകുപ്പ്.
👉തമിഴ്നാട്ടിലെ കാഞ്ചീപുരത്ത് തൻ്റെ വീട്ടിൽ വാടകയ്ക്ക് താമസിച്ചിരുന്ന പെൺകുട്ടികൾക്ക് അശ്ലീല സന്ദേശം അയച്ച എ ഐ എ ഡി എം കെ നേതാവ് പൊന്നമ്പലത്തെ വീട്ടി ലേക്ക് വിളിച്ച് വരുത്തി ചൂല് കൊണ്ട് അടിച്ചു.
🌴 കേരളീയം 🌴
🙏ബാലരാമപുരത്ത് അമ്മാവന്‍ കൊലപ്പെടുത്തിയ രണ്ടു വയസുകാരി ദേവേന്ദുവിന്റെ പോസ്റ്റുമോര്‍ട്ടം റിപ്പോര്‍ട്ട് പുറത്തുവന്നു. കുഞ്ഞിനെ ജീവനോടെ കിണറ്റിലെറിഞ്ഞതാണെന്ന് റിപ്പോര്‍ട്ടില്‍ സ്ഥിരീകരിച്ചു.
🙏ബാലരാമപുരത്ത് രണ്ടരവയസുകാരിയെ കൊലപ്പെടുത്തിയ സംഭവത്തില്‍ അമ്മാവന്‍ ഹരികുമാറിന്റെ അറസ്റ്റ് രേഖപ്പെടുത്തി. പ്രതിയെ ഇന്ന് കോടതിയില്‍ ഹാജരാക്കും. അതേസമയം, കുട്ടിയുടെ അമ്മ ശ്രീതുവിനെ മഹിളാമന്ദിരത്തിലേക്ക് മാറ്റി.
🙏 യൂസ്ഡ് കാര്‍ വില്‍ക്കുന്ന ഷോറൂമുകള്‍ക്ക് കേന്ദ്ര മോട്ടോര്‍ വാഹന ചട്ടം 55 എ പ്രകാരം ഓതറൈസേഷന്‍ സര്‍ട്ടിഫിക്കറ്റ് നിര്‍ബന്ധമാക്കി. എല്ലാ യുസ്ഡ് കാര്‍ ഷോറും ഉടമകളും അടിയന്തരമായി നിയമപ്രകാരമുള്ള ഓതറൈസേഷന്‍ സര്‍ട്ടിഫിക്കറ്റ് നേടണം.
🙏 മുസ്ലിം വിദ്വേഷ പരാമര്‍ശ കേസില്‍ പി സി ജോര്‍ജിന്റെ മുന്‍കൂര്‍ ജാമ്യാപേക്ഷ പരിഗണിക്കുന്നത് വീണ്ടും മാറ്റി. അടുത്ത മാസം അഞ്ചിന് ഹര്‍ജി പരിഗണിക്കും. നാലാം തവണയാണ് കോട്ടയം അഡീഷണല്‍ സെഷന്‍സ് കോടതി ഹര്‍ജി പരിഗണിക്കുന്നത് മാറ്റിവെക്കുന്നത്.
🙏തൃപ്പൂണിത്തുറയില്‍ 15 വയസ്സുകാരന്‍ ഫ്ലാറ്റിന് മുകളില്‍ നിന്ന് ചാടി മരിച്ച സംഭവത്തില്‍ സംസ്ഥാന പൊലീസ് മേധാവിക്ക് കുടുംബം പരാതി നല്‍കി. സ്‌കൂളില്‍ മകന്‍ ക്രൂരമായ ശാരീരിക മാനസിക പീഡനത്തിന് ഇരയായെന്ന് കാട്ടി അമ്മയാണ് പരാതി നല്‍കിയത്.
🙏 സ്ത്രീത്വത്തെ അപമാനിക്കുന്ന രീതിയില്‍ രാഹുല്‍ ഈശ്വര്‍ പെരുമാറിയെന്ന മലയാള ചലച്ചിത്ര നടിയുടെ പരാതിയില്‍ രാഹുല്‍ ഈശ്വറിനെതിരെ കേസ് എടുത്തു. കൊച്ചി സെന്‍ട്രല്‍ പൊലീസ് ആണ് കേസെടുത്തത്.
🇳🇪 ദേശീയം 🇳🇪
🙏പാര്‍ലമെന്റിന്റെ ബജറ്റ് സമ്മേളനത്തിന് ഇന്ന് തുടക്കമാകും. നാളെയാണ് പൊതു ബജറ്റ്. തുടര്‍ച്ചയായ എട്ടാമത്തെ ബജറ്റാണ് ധനമന്ത്രി നിര്‍മ്മല സീതാരാമന്‍ അവതരിപ്പിക്കുന്നത്. അതേസമയം പ്രധാനമന്ത്രി നരേന്ദ്ര മോദി ഇന്ന് പത്ത് മണിക്ക് മാധ്യമങ്ങളെ കാണുമെന്നാണ് റിപ്പോര്‍ട്ടുകള്‍.
🙏 ആം ആദ്മി പാര്‍ട്ടി ദേശീയ കണ്‍വീനറും ദില്ലി മുന്‍ മുഖ്യമന്ത്രിയുമായ അരവിന്ദ് കെജ്രിവാളിനെതിരെ രൂക്ഷവിമര്‍ശനവുമായി അണ്ണാ ഹസാരെ. കെജ്രിവാള്‍ തന്റെ നിര്‍ദ്ദേശങ്ങള്‍ മറന്നെന്നും പണത്തിന് പിന്നാലെ പോയെന്നും അണ്ണാ ഹസാരെ വിമര്‍ശിച്ചു.
🙏 കോണ്‍ഗ്രസ് എംപി രാകേഷ് റാത്തോഡ് ബലാത്സംഗക്കേസില്‍ അറസ്റ്റില്‍. ഉത്തര്‍പ്രദേശിലെ സീതാപൂരില്‍ വാര്‍ത്താസമ്മേളനം നടത്തുന്നതിനിടെയാണ് രാകേഷ് റാത്തോഡ് അറസ്റ്റിലായത്. 45കാരി നല്‍കിയ പരാതിയില്‍ രണ്ടാഴ്ചയോളം നീണ്ട അന്വേഷണത്തിനൊടുവിലാണ് കോണ്‍ഗ്രസ് എംപിയുടെ അറസ്റ്റ് രേഖപ്പെടുത്തിയത്.
🙏 മഹാകുംഭമേളയിലെ അപകടത്തില്‍പ്പെട്ട് മരിച്ച കര്‍ണാടക സ്വദേശികളുടെ കുടുംബങ്ങള്‍ക്ക് ധനസഹായം പ്രഖ്യാപിച്ച് മുഖ്യമന്ത്രി സിദ്ധരാമയ്യ. മരിച്ച നാല് പേരുടെ വീട്ടുകാര്‍ക്ക് എത്രയും വേഗം സഹായം ഉറപ്പാക്കും.
🙏 ഉത്തര്‍പ്രദേശ് പ്രയാഗ് രാജിലെ കുംഭമേളക്കിടെ വീണ്ടും തീപിടിത്തം. ഇന്നലെ വൈകിട്ടാണ് സന്യാസിമാരുടെ കൂട്ടായ്മകള്‍ താമസിക്കുന്ന ടെന്റുകള്‍ക്ക് തീപിടിച്ചത്. സെക്ടര്‍ 22 ല്‍ 15 ടെന്റുകള്‍ കത്തിനശിച്ചു. തീപിടുത്തത്തില്‍ ആര്‍ക്കും പരിക്കില്ലെന്നാണ് വിവരം.
🙏ലിവിങ് ടുഗെദര്‍ ബന്ധങ്ങള്‍ രജിസ്റ്റര്‍ ചെയ്യുന്നതിനായി ഒരു വെബ് പോര്‍ട്ടല്‍ ആരംഭിക്കാന്‍ രാജസ്ഥാന്‍ ഹൈക്കോടതിയുടെ സിംഗിള്‍ ബെഞ്ച് ജഡ്ജി സംസ്ഥാന സര്‍ക്കാരിനോട് നിര്‍ദ്ദേശിച്ചു. സംരക്ഷണം ആവശ്യപ്പെട്ട് ലിവ്-ഇന്‍ ടുഗെദറിലുള്ള ദമ്പതികള്‍ സമര്‍പ്പിച്ച ഹര്‍ജികള്‍ പരിഗണിക്കുകയായിരുന്നു കോടതി.
🙏 തമിഴ്നാട് പൊലീസിനെതിരെ സുപ്രീംകോടതി ചീഫ് ജസ്റ്റിസിന് കത്ത് നല്‍കി തമിഴ് മാധ്യമപ്രവര്‍ത്തകരുടെ സംഘടന. അണ്ണാ സര്‍വകലാശാല ബലാത്സംഗ കേസുമായി ബന്ധപ്പെട്ട അന്വേഷണത്തിന്റെ പേരില്‍ മാധ്യമപ്രവര്‍ത്തകരുടെ ഫോണുകള്‍ പോലീസ് പിടിച്ചെടുത്തതിനെതിരെയാണ് പരാതി.
🙏അത്യാധുനിക എഐ മോഡല്‍ വികസിപ്പിക്കുന്നതിന് കേന്ദ്ര സര്‍ക്കാര്‍ സ്റ്റാര്‍ട്ടപ്പുകള്‍, ഗവേഷകര്‍, സംരംഭകര്‍ എന്നിവരില്‍ നിന്ന് പ്രൊപ്പോസലുകള്‍ ക്ഷണിച്ചു. കേന്ദ്ര ഐടി വകുപ്പിന്റെ യൂണിറ്റായ ഇന്ത്യഎഐയാണ് ഇതിനായി വിജ്ഞാപനം പുറപ്പെടുവിച്ചത്.
🇦🇽 അന്തർദേശീയം 🇦🇴
🙏 ചൈനീസ് എ.ഐ. ലാംഗ്വേജ് മോഡലായ ഡീപ്‌സീക്കിനെതിരെ ഗുരുതര ആരോപണവുമായി ചാറ്റ് ജി.പി.ടിയുടെ സ്രഷ്ടാക്കളായ ഓപ്പണ്‍ എ.ഐ. ചാറ്റ് ജി.പി.ടിയുടെ വിവരങ്ങള്‍ ഡീപ്‌സീക് എ.ഐ മോഡലിനെ പരിശീലിപ്പിക്കാനായി മോഷ്ടിച്ചുവെന്നാണ് ഓപ്പണ്‍ എ.ഐയുടെ ആരോപണം.
🙏 വെടിനിര്‍ത്തല്‍ കരാറിന്റെ ഭാഗമായി എട്ട് തടവുകാരെക്കൂടി വിട്ടയച്ച് ഹമാസ്. 2023 ഒക്ടോബര്‍ 7-ന് ഇസ്രായേലിനെതിരായ ആക്രമണത്തിന്റെ സമയത്ത് പിടികൂടിയ മൂന്ന് ഇസ്രായേലി ബന്ദികളെയും അഞ്ച് വിദേശികളെയുമാണ് ഇന്നലെ ഹമാസ് മോചിപ്പിച്ചത്.
🙏അമേരിക്കയിലെ വാഷിങ്ടണില്‍ റീഗന്‍ നാഷണല്‍ എയര്‍പോര്‍ട്ടിന് സമീപം വിമാനവും സൈനിക ഹെലികോപ്റ്ററും കൂട്ടിയിടിച്ചുണ്ടായ അപകടത്തില്‍ എല്ലാവരും കൊല്ലപ്പെട്ടതായി റിപ്പോര്‍ട്ട്. 27 പേരുടെ മൃതദേഹം വിമാനത്തില്‍ നിന്നും ഒരാളുടേത് ഹെലികോപ്റ്ററില്‍ നിന്നും കണ്ടെടുത്തിട്ടുണ്ട്.
🙏അനധികൃത കുടിയേറ്റക്കാരെ കുപ്രസിദ്ധമായ ഗ്വാണ്ടനാമോ തടവറയിലേക്ക് മാറ്റുമെന്ന് അമേരിക്കന്‍ പ്രസിഡന്റ് ഡൊണള്‍ഡ് ട്രംപ്. ക്യൂബയിലെ അമേരിക്കന്‍ നാവികസേനയുടെ അധീനതയിലുള്ള ഗ്വാണ്ടനാമോ സൈനികകേന്ദ്രം നിയമവിരുദ്ധ തടവിനും മനുഷ്യാവകാശ ലംഘനങ്ങള്‍ക്കും ലോകമാകെ കുപ്രസിദ്ധിയാര്‍ജ്ജിച്ച സ്ഥലമാണ്.
⚽ കായികം ⚽
🙏 ദേശീയ ഗെയിംസ് പുരുഷ ഫുട്‌ബോളില്‍ കേരളത്തിന് ആദ്യമത്സരത്തില്‍ ജയം. മണിപ്പുരിനെതിരേ ഏകപക്ഷീയമായ ഒരു ഗോളിനാണ് കേരളം ജയിച്ചത്. 54-ാം മിനിറ്റില്‍ ബിബിന്‍ ബോബനാണ് കേരളത്തിനായി സ്‌കോര്‍ ചെയ്തത്.
🙏 ഐഎസ്എല്ലില്‍ ചെന്നൈയിന്‍ എഫ് സിയെ ഒന്നിനെതിരെ മൂന്ന് ഗോളുകള്‍ക്ക് വീഴ്ത്തി കേരളാ ബ്ലാസ്റ്റേഴ്സ് വീണ്ടും വിജയവഴിയില്‍. ചെന്നൈയിന്റെ ഹോം ഗ്രൗണ്ടില്‍ ബ്ലാസ്റ്റേഴ്സിന്റെ ആദ്യജയമാണിത്.
