കോട്ടയം. ഏറ്റുമാനൂരിൽ കക്കൂസ് മാലിന്യം തള്ളിയവരെ കൊണ്ട് തന്നെ വൃത്തിയാക്കിപ്പിച്ച് പോലീസ്. ഏറ്റുമാനൂർ കാരക്കണ്ടത്ത്
കക്കൂസ് മാലിന്യം തള്ളിയ ചേർത്തല സ്വദേശികളെ കൊണ്ടാണ്
സ്ഥലം പോലീസ് വൃത്തിയാക്കിപ്പിച്ചത്.
ഏറ്റുമാനൂർ – മണർകാട് ബൈപ്പാസിൽ ചെറുവാണ്ടൂർ ഭാഗത്ത്
സ്ഥിരമായി മാലിന്യം തള്ളുന്നത് നാട്ടുകാരുടെ ശ്രദ്ധയിൽപ്പെട്ടിരുന്നു.
നാട്ടുകാരുടെ പരാതിക്ക് പിന്നാലെ മാലിന്യവുമായി എത്തിയ വാഹനം പോലീസ് പിടികൂടി. ചേർത്തല സ്വദേശികളായ മൂന്നു മൂന്നു പേരെ കസ്റ്റഡിയിൽ
എടുക്കുകയും ചെയ്തു. തുടർന്നാണ് വാഹന ഉടമയോടും മാലിന്യം തള്ളാൻ എത്തിയവരോടും സ്ഥലം വൃത്തിയാക്കാൻ പൊലീസ് നിർദ്ദേശിച്ചത്.
മാലിന്യം തള്ളിയ റോഡ് അരികിൽ നല്ല മണ്ണ് വിരിച്ചാണ് സ്ഥലം വൃത്തിയാക്കിയത്.
ഏറ്റുമാനൂർ പോലീസ് സ്റ്റേഷൻ എസ് എച്ച് ഒ എ എസ് അൻസലിന്റെ നേതൃത്വത്തിലായിരുന്നു വൃത്തിയാക്കിപ്പിക്കൽ.
ജില്ലയുടെ വിവിധ മേഖലകളിൽ കക്കൂസ് മാലിന്യം തള്ളുന്നത് തുടർക്കഥയാണ്..
കൃഷി സ്ഥലങ്ങളിൽ അടക്കം കക്കൂസ് മാലിന്യം തള്ളുന്നത് ജനജീവിതത്തെ
സാരമായി ബാധിച്ചിരുന്നു.
