കൊല്ലം: പട്ടികജാതി വികസന വകുപ്പിന്റെ അയ്യങ്കാളി മെമ്മോറിയൽ സർക്കാർ മോഡൽ റെസിഡൻഷ്യൽ സ്‌പോർട്‌സ് സ്കൂളിൽ സെലക്ഷൻ ക്യാമ്പ് 15ന് നടക്കും .അഞ്ച്, പ്ലസ് വൺ ക്ലാസുകളിലേക്കുള്ള സെലക്ഷൻ ക്യാമ്പ് 15ന് രാവിലെ ഒൻപതു മുതൽ ലാൽ ബഹദൂർ ശാസ്ത്രി സ്റ്റേഡിയത്തിലാണ് നടക്കുക .
പട്ടികജാതി / വർഗ വിഭാഗത്തിൽപ്പെട്ട കായിക അഭിരുചിയുള്ള വിദ്യാർത്ഥികളെ സ്കിൽ ടെസ്റ്റിന്റെയും സ്‌പോർട്‌സ് മെരിറ്റ് സർട്ടിഫിക്കറ്റിന്റെയും അടിസ്ഥാനത്തിലാണ് തെരഞ്ഞെടുക്കുക. അത്ലറ്റിക്സ്, ഫുട്‌ബാൾ, ജൂഡോ, ജിംനാസ്റ്റിക്സ് തുടങ്ങിയ ഇനങ്ങളിലാണ് പരിശീലനം നടക്കുന്നത് . പാസ്‌പോർട്ട് സൈസ് ഫോട്ടോ, ആധാർ കാർഡ്, ജാതി, ജനന സർട്ടിഫിക്കറ്റുകളുടെ പകർപ്പുകൾ എന്നിവ സഹിതം എത്തണം. യാത്രാപ്പടി ലഭിക്കുന്നതാണ് .
